N. Nyǵmatýlın: Jańartylǵan energııa kózderin paıdalaný - ınnovatsııalyq tehnologııalardy damytýǵa jasalǵan qadam
ASTANA. 8 mamyr. QazAqparat - Búgin Májilistiń jalpy otyrysynda depýtattar Qazaqstan Respýblıkasynyń keıbir zańnamalyq aktilerine jańartylatyn energııa kózderin paıdalanýdy qoldaý máseleleri boıynsha ózgerister men tolyqtyrýlar engizý týraly» Qazaqstan Respýblıkasy Zańynyń jobasyn birinshi oqylymda qarady.
Talqylaý barysynda Palata tóraǵasy Nurlan Nyǵmatýlın bul zań jobasynyń elimizdi odan ári ekonomıkalyq jáne tehnologııalyq jańǵyrtý jolynda óte mańyzdy jáne qajet ekenin atap ótti.
«Biz tabıǵattyń baılyǵyn tıimdi paıdalana bilýimiz kerek. Búgingi kúni jeldiń kúshin, kúnniń sáýlesin, sýdyń qýatyn qoldaný - ekologııalyq problemalardy sheshýge, energııany saqtaýǵa, ınnovatsııalyq tehnologııalardy damytýǵa jasalǵan qadam», - dedi spıker.
