N.Nyǵmatýlın: jańa Qylmystyq-atqarý kodeksi jazalaýda ádilettiliktiń ústemdik etýin qamtamasyz etýge tıis
ASTANA. QazAqparat - Búgin Palata Spıkeri Nurlan Nyǵmatýlınniń tóraǵalyǵymen ótken jalpy otyrysta Májilis Qylmystyq-atqarý kodeksi jobasyn birinshi oqylymda maquldady.
QAK jobasyn qaraýdy qorytyndylaý barysynda Májilis Tóraǵasy atalǵan zańnamalyq aktiniń mańyzdylyǵy men artyqshylyǵyna basa nazar aýdardy. Bul rette Nurlan Nyǵmatýlın jańa Qylmystyq-atqarý kodeksiniń eń aldymen, qylmystyq zańnamany jetildirýge, myna jaǵdaıda qylmystyq jazany óteýdiń tıimdiligin arttyrýǵa baǵyttalǵanyn aıtty. «Qylmystyq - atqarý kodeksiniń jańa redaktsııasynda usynylyp otyrǵan tetikter qylmystyq jazalaýda ádilettiliktiń ústemdik etýin qamtamasyz etýge tıis. Alaıda, sottalǵandardyń da quqy aıaq asty etilmeýi kerek. Bul álemdik tájirıbe. Sondyqtan, ekinshi oqylymda dál osyndaı ońtaıly, úılesimdi tájirıbe turǵysynan qaraýymyz qajet», -dep túsindirdi Spıker. Kodeks jobasy boıynsha jazany oryndaý tetigi - eń aldymen, progressıvtik júıe boıynsha bostandyǵynan aıyrý, probatsııalyq baqylaý mehanızmi úshin quqyqtyq negiz qalaý, sottalǵandarǵa qajetti áleýmettik, quqyqtyq jáne psıhologııalyq kómek kórsetý túrinde jetildirletin bolady.
