N.Nyǵmatýlın Uly Ulttyq jınalysynyń tóraǵasy I.Kahramanǵa Ystambuldaǵy lańkestikke baılanysty kóńil aıtty
ASTANA. QazAqparat - Májilis spıkeri Nurlan Nyǵmatýlın Túrkııanyń Uly Ulttyq jınalysynyń tóraǵasy Ismaıl Kahramanǵa Ystambulda bolǵan lańkestikke baılanysty kóńil bildirdi. Bul týraly QR Parlamenti Májilisi apparatynyń baspasóz qyzmeti habarlady.
«Qazaqstan Respýblıkasy Parlamenti Májilisi depýtattarynyń atynan jáne jeke óz atymnan Ystambul qalasynda úlken adam shyǵyndaryna alyp kelgen jarylystardyń nátıjesinde qaza tapqandardyń otbasynyń qaıǵysyna ortaqtasyp kóńil aıtamyn.
Biz qandaı túrde jáne kórinisterde bolmasyn lańkestikti aıyptaımyz. Tóraǵa myrza, qaza tapqandardyń týǵan-týystaryna bizdiń shynaıy janashyrlyǵymyzdy jetkizýińizdi suraımyn», - dep atap ótti Nyǵmatýlın.
