N. Nyǵmatýlın: Úkimet sán-saltanattyń laıyqty salyǵyn engizýi kerek edi
ASTANA. 4 qazan. QazAqparat - Búgin Májilis Tóraǵasy, «Nur Otan» partııasy fraktsııasynyń jetekshisi Nurlan Nyǵmatýlın parlamenttik fraktsııa jıynynda baǵaly dúnıelerge baılanysty salyqty ulǵaıtý jaǵyna qaraı qaıta qaraýdy usyndy, dep habarlady palatanyń baspasóz qyzmetinen.
Bul eń aldymen, qozǵaltqysh kólemi 4 myń tekshe sm-den asatyn kólikterge qatysty bolmaq. «Temir tulparlarǵa salynatyn salyq túrine qatysty - qozǵaltqysh kólemi 4 myńnan, 5 myń tekshe sm-ge deıingi kólikter úshin salyq mólsherin 130 MRP deıin, al, kólemi 5 myń tekshe. sm-den asatyn kólikter úshin salyq mólsherin -200 MRP deıin ósirýdi jáne qarapaıym azamattarymyzdyń múddesine nuqsan keltirmes úshin jańa salyqtyq mólsherlemelerdi 2014 jyldyń, 1-shi qańtarynan bastap satylyp alynatyn kólikterge qoldanýdy usynamyz. ıAǵnı, erterekte satylyp alynǵan kólikter úshin burynǵy salyq kólemin qaldyrý qajet», - dedi Nurlan Nyǵmatýlın.
Jyljymaıtyn múlikke baılanysty salyqty sóz etkende Májilis Spıkeri joǵarylatatyn koeffıtsıentti joıyp, baspana qunyna qatysty neǵurlym ádil tásilge almastyrý kerektigin aıtty.
«Bul salyq salý kezinde, ásirese, quny joǵary baspanalar úshin neǵurlym negizdi bolmaq», - dedi Nurlan Nyǵmatýlın.
