N. Nyǵmatýlın Polsha Seıminiń vıtse-spıkeri E. Venderlıhpen parlamentaralyq yntymaqtastyqty nyǵaıtý máselelerin talqylady
ASTANA. 25 sáýir. QazAqparat - Parlament Májilisiniń Tóraǵasy Nurlan Nyǵmatýlın Polsha Respýblıkasy Seıminiń vıtse-spıkeri Ejı Venderlıhpen kezdesti.
Bul týraly palata apparatynyń baspasóz qyzmetinen málim etti.
Kezdesý barysynda taraptar eki el áriptestiginiń aýqymdy máselelerin talqylady. Nurlan Nyǵmatýlınniń atap ótkenindeı, Polsha Qazaqstannyń Ortalyq jáne Shyǵys Eýropadaǵy syrtqy saıası jáne ekonomıkalyq mańyzdy áriptesi.
Eki tarap ta bizdiń elderimizdiń halyqaralyq saıasattaǵy ózekti máseleler tóńiregindegi ózara yqpaldastyǵyn sóz ete kelip, Qazaqstan men Polsha memleketterin aımaqtyq qaýipsizdik pen turaqtylyqty nyǵaıtýdaǵy uqsas ustanymdary biriktirip otyrǵanyn aıtty.
Sonymen qatar, Májilis Tóraǵasy Elbasy Nursultan Nazarbaev bastamashy bolyp tabylatyn Qazaqstan halqy Assambleıasynyń eldegi ózara túsinistik pen tatýlyqty saqtaýdaǵy biregeı ınstıtýt ekenine basa nazar aýdardy.
Óz kezeginde Ejı Venderlıh túrli salalardaǵy Qazaqstan men Polsha arasyndaǵy qarym-qatynasqa joǵary baǵa berip: «Bizde Qazaqstannan sabaq alatyn máseleler bar. Bul, eń aldymen, sizderdiń Prezıdentterińiz júrgizip otyrǵan etno-mádenı saıasatqa baılanysty. Oǵan Qazaqstanda turyp jatqan etnıkalyq polıaktarǵa oqýǵa, eńbek etýge, jasampazdyqqa umtylýǵa barlyq múmkindik jasalyp otyrǵany dálel bola aldy», - dedi ol.
Qazirgi ýaqytta Qazaqstanda 50 myńnan astam etnıkalyq polıaktar ómir súredi, 160-tan astam birlesken kásiporyn tirkelgen, syrtqy saýda aınalymy 2012 - jyly 2 mlrd. AQSh dollaryn qurady.
Kezdesýde áńgime ózegine aınalǵan taqyryp - parlamentaralyq áriptestik. Qazaqtan men Polsha arasynda turaqty damý jolyna túsken syndarly baılanys ornaǵan.
«Polıak parlamenti ókilderiniń jergilikti ózin-ózi basqarýdy zańnamalyq qamtamasyz etý máselesindegi tájirıbeleri nazar aýdararlyq»,-dep atap ótti Nurlan Nyǵmatýlın óz sózinde.
Kezdesý sońynda Májilis Tóraǵasy men Polsha Seıminiń vıtse-spıkeri aldaǵy ýaqytta da eki eldiń ózara tabysty qarym-qatynasynyń sonyń ishinde, halyqaralyq deńgeıde áleýetiniń zor ekendigin jetkizdi.
