N. Nyǵmatýlın: Árbir jaǵdaı ádiletti sheshilýi úshin myqty zańnamalyq baza qajet
ASTANA. 15 mamyr. QazAqparat - Árbir jaǵdaı ádiletti sheshilýi úshin myqty zańnamalyq baza qajet. Májilistiń jalpy otyrysynda palata spıkeri Nurlan Nyǵmatýlın osylaı málim etti.
Eske salsaq, búgin Májilistiń jalpy otyrysynda palata depýtattary «Qazaqstan Respýblıkasynyń keıbir zańnamalyq aktilerine atqarýshylyq is júrgizýdi jetildirý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldaǵan bolatyn.
«Jalpy, boryshkerlerge qatysty áreket etý úshin sot oryndaýshylaryna naqty ókilettikter júktep, olardyń jumysyn kúsheıtý týraly aıtqanda taıaqtyń da eki ushy bar ekenin oılaýymyz kerek. Árbir naqty jaǵdaıdyń artynda adam taǵdyry turǵanyn da esten shyǵarmaǵan abzal. Sondyqtan da sot oryndaýshylary ózderiniń áreketterimen nemese áreketsizdigimen bıliktiń bedelin túsiretinin umytpaýǵa tıispiz. Sondyqtan da, árbir jaǵdaı ádiletti sheshilý úshin myqty zańnamalyq baza qajet», - dedi Májilis Tóraǵasy.
