N.Nyǵmatýlın: adam taǵdyryna da qarap, jazalaýdyń ádil jolyn qarastyrý qajet
ASTANA. QazAqparat - Búgin QR Qylmystyq kodeksiniń jobasy maquldanǵan Parlament Májilisiniń jalpy otyrysynda Palata Spıkeri Nurlan Nyǵmatýlın adam taǵdyryna da qarap, jazalaýdyń ádil jolyn qarastyrý qajet ekenin atap ótti.
Kodeks jobasy tájirıbe boıynsha jaýap beretin óz qurylymyn saqtaıdy, onyń ishinde: Jalpy jáne Aıryqsha bólimderinde. Osy zań jobasyn qabyldaý, jalpy alǵanda, azamattardyń quqyqtary men bostandyqtarynyń, qoǵam men memleket múddeleriniń qylmystyq qol suǵýshylyqtan tıimdi túrde qorǵalýyn qamtamasyz etetinin, quqyq buzýshylyqtar profılaktıkasynyń tıimdiligin arttyrady. Qylmystyq kodeks jobasyn Májilistiń salalyq komıteti men jumys tobynda talqylaýdy atap ótken Palata Spıkeri Nurlan Nyǵmatýlın: «Árbir jańa ózgeristiń artynda adamnyń jáne onyń otbasynyń taǵdyry tur. Sondyqtan, jańa Qylmystyq Kodeks, birinshiden, kez-kelgen teris áreketterge jol bermeýi kerek. Ekinshiden, jazalaýdyń da ádil jolyn qarastyrýy qajet. Sol kezde ǵana bul zań elimizge de, halqymyzǵa da qyzmet etetin bolady», - dep naqtylap ótti. Jańa redaktsııa qylmystyq jazalaý túrleriniń, qylmys uǵymynyń túbegeıli túrde ózgertilýine, probatsııalyq baqylaýdyń jetildirilýine, bir bóligi qazirgi tańda qoldanystaǵy Ákimshilik quqyq buzýshylyq týraly kodekste kózdelgen jáne endi qylmystyq-quqyqtyq salaǵa aýystyrylyp otyrǵan qylmystyq quqyq buzýshylyqtar ınstıtýtynyń engizilýine baılanysty.
