N. Nazarbaevtyń jeńisi kópultty Qazaqstan halqynyń birligin pash etti - qyrǵyzstandyq sarapshy M. Jumaǵulov
BІShKEK. QazAqparat - Prezıdenttik saılaýdaǵy N. Nazarbaevtyń jeńisi judyryqtaı jumylǵan kópultty qazaqstandyqtardyń birligin pash etti. Bul týraly «QazAqparat» tilshisine bergen suhbatynda bedeldi áskerı sarapshy, belgili qoǵamdyq-saıası qaıratker, QR Qarýly kúshteri bas shtaby bastyǵynyń burynǵy orynbasary zapastaǵy general-maıor M. Jumaǵulov.
«Ótken saılaý nátıjesi qazaqstandyqtardyń óz kóshbasshylaryna degen senimin, ony erekshe qoldaýyn kórsetti. Halyqtyń syndarly da senimdi tańdaý jasaǵanyna qýanyshtymyn. Taldaýshy retinde qazir de, keleshekte de N. Nazarbaevqa balama bolatyn kúshti qarsylas kórip turǵanym joq. Ári N. Nazarbaevtyń alǵa qoıǵan jospary da aıryqsha, aýqymdy», - dedi ol.
Sarapshy aǵylyp kelgen daýys berýshilerdiń kóptigin, rásim barysynda quqyq buzýshylyq bolmaǵanyn atap ótti, onyń pikirinshe, áleýmettik jetistiktiń negizi - ár azamat el taǵdyryna jaýapkershilikpen qarap, azamattyq jaýapkershilikti sezinýinde.
«Bul saılaý tarıhqa eneri sózsiz. Halyq saılaýǵa merekelik kóńil kúımen bardy. Osydan da halyqtyń birligi, olardyń turaqty damýǵa, perspektıvaly keleshekke degen yntasy anyq sezilip turdy. N. Nazarbaevty saılaý qyrǵyzstandyqtarǵa da eki el arasyndaǵy ekijaqty baýyrlas qatynastardy odan ári damytýǵa, keńeıtýge, qol jetkizilgen deńgeıdi saqtaýǵa múmkindik beredi», - dep atap ótti M. Jumaǵulov.
