N.Nazarbaevtyń sheshimi onyń demokratııalyq qaǵıdalaryn qýattap otyr - Býndestag depýtaty Manfred Grýnd
ASTANA. 5 aqpan. QazAqparat - Germanııadaǵy bılik júrgizýshi Hrıstıan-demokratııalyq odaq/ Hrıstıan-áleýmettik odaǵy fraktsııasynyń atqarýshy hatshysy,
Býndestag depýtaty Manfred Grýnd Qazaqstanda kezekten tys prezıdenttik saılaý ótkizý týraly Prezıdent N.Nazarbaevtyń sheshimine qatysty óz málimdemesin jarııalady. Bul týraly Qazaqstannyń syrtqy saıasat vedomstvosy habarlap otyr.
Prezıdenttiń málimdemesine jáne qazaqstandyq Konstıtýtsııalyq keńestiń sheshimine qoldaý bildirgen nemis saıasatkeri, «Prezıdenttiń sheshimin onyń Konstıtýtsııanyń demokratııalyq qaǵıdalaryn ustanýy retinde baǵalaý kerek», dep atap kórsetti. M.Grýndtyń pikirinshe, «Qazaqstan jańarý jolymen damyp keledi, onyń jetistikteri aıqyn, ásirese burynǵy Keńes odaǵynyń basqa elderimen salystyrar bolsaq. Memleket basshysy eldiń turaqtylyǵyn, ekonomıkalyq jáne áleýmettik damýyn qamtamasyz etti».
«Osy ilgerileýshilikti, saıası reformalarmen baılanystyra otyryp, keleshekte de jalǵastyrý kerek. Prezıdent N.Nazarbaevtyń sheshimi osy maqsatqa jeteleıdi», delingen Býndestag depýtatynyń málimdemesinde.
