N. Nazarbaevtyń saılaýdaǵy jeńisi - Qazaqstan halqynyń zor seniminiń aıǵaǵy - Úndistan Prezıdenti
ASTANA. QazAqparat - Nursultan Nazarbaevtyń atyna onyń Qazaqstan Respýblıkasy Prezıdenti bolyp saılanýyna baılanysty Úndistan Respýblıkasynyń Prezıdenti Pranab Mýkerdjıdiń quttyqtaý jedelhaty kelip tústi.
Bul týraly Aqordanyń baspasóz qyzmetinen habarlady.
P.Mýkerdjı Qazaqstan Prezızdenti laýazymyna qaıta saılanýymen quttyqtady.
«Sizdiń saılaýdaǵy jeńisińiz - Qazaqstan halqynyń Ózińizge degen zor seniminiń aıǵaǵy. Qazaqstandy myqty ári órkendeýshi memleketke aınaldyrýǵa baǵyttalǵan qajyrly eńbegińiz óz jemisin beretinine senimdimin», - delingen hatta.
Úndistan Prezıdenti ortaq múdellilik tanytyp otyrǵan birneshe salada ózara tıimdi qarym-qatynastardyń ornaǵanyna qanaǵattanatynyn jetkizdi. Ol sondaı-aq Úndistan ekijaqty strategııalyq seriktestikti nyǵaıtý jónindegi jumystardy jalǵastyratynyn aıtty.
Sońynda P.Mýkerdjı QazaqstanPrezıdentine myqty densaýlyq jáne tabys, al elimizge ilgerileý men baq-bereke tiledi.
