N. Nazarbaevtyń prezıdent saılaýyndaǵy jeńisine baılanysty quttyqtaý jedelhattary men hattar kelip tústi
Bul týraly Aqordanyń baspasóz qyzmeti habarlady.
Seıshel Araldary Respýblıkasynyń Prezıdenti Dj.Mıshel Úkimettiń jáne el halqynyń atynan Nursultan Nazarbaevqa Qazaqstan Respýblıkasy Prezıdenti laýazymyna qaıta saılanýyna baılanysty jyly lebizin bildirdi.
«Elderimizdiń qarym-qatynasy árqashan jaqsy deńgeıde boldy jáne berik dostyǵymyz ben yntymaqtastyǵymyz Sizdiń basshylyǵyńyzben budan ári de órkendeı beredi dep úmittenemin», - delingen jedelhatta.
Túrik Respýblıkasynyń premer-mınıstri A.Davýtoglý dostas Qazaqstannyń qarqyndy damýy men halyqaralyq arenadaǵy bedeliniń ósip kele jatqanyn atap ótken.
«Biz strategııalyq deńgeıge jetken qarym-qatynasymyzdyń ortaq bolashaǵyna senimmen qaraımyz. Sizge myqty densaýlyq, baqyt, al Qazaqstan halqyna baqýattylyq pen qut-bereke tileımin», - delingen jedelhatta.
Koreıa Halyqtyq Demokratııalyq Respýblıkasynyń Joǵarǵy halyq jınalysy prezıdıýmynyń tóraǵasy K.Nam KHDR men Qazaqstannyń qarym-qatynasy men yntymaqtastyǵy eki el halqynyń qalaýy men umtylystaryna saı keńeıip, damı beretinine senim bildiredi.
Polsha Respýblıkasy Mınıstrler keńesiniń vıtse-tóraǵasy ıA.Pehochınskıı Nursultan Nazarbaev eldiń ornyqty damýyn qamtamasyz etýge baǵyttalǵan saıasatty «Nurly jol» joldaýyna sáıkes jalǵastyra beretinine senim bildirgen.
«Memleketterimiz arasyndaǵy ózara tıimdi ekonomıkalyq yntymaqtastyqty damytý salasynda dostyq nıettegi saıasat jalǵasady dep úmittenemin. Óz tarapymnan Polshanyń mańyzdy ekonomıkalyq seriktesi - Qazaqstanmen arada saýda jáne ınvestıtsııa salasyndaǵy qarym-qatynasty tereńdetip, odan ári damytýǵa qashanda múddeli ekenimizge Sizdi sendirgim keledi», - delingen hatta.
Horvatııanyń eks-prezıdenti S.Mesıchtiń quttyqtaýynda Qazaqstan Prezıdentiniń saılaýdaǵy aıqyn jeńisi Memleket basshysynyń júrgizip otyrǵan saıasatyn halyqtyń tolyq qoldaıtynyn kórsetkeni atap ótilgen.
«Siz elińizge kúrdeli kezeńderde, táýelsizdik alǵannan búginge deıin tabysty basshylyq ettińiz. Elińizdiń bolashaǵy ishki úılesim men turaqtylyqqa baılanysty ekenin baǵalaı bildińiz. Jańa mandatpen de osy baǵytty jalǵastyratynyńyzdy bilemin. Sizge mol tabys tilep, Qazaqstan halqynyń ósip-órkendeı berýine nıettestigimdi bildiremin», - dep jazady avtor.
Estonııanyń eks-prezıdenti A.Rıýıtel Nursultan Nazarbaevtyń prezıdent saılaýyndaǵy aıqyn jeńisi Qazaqstandy 2050 jylǵa qaraı álemdegi damyǵan 30 eldiń qataryna qosý úshin bastalǵan reformalardy jalǵastyrýǵa múmkindik beretinin aıtqan.
«Estonııa men Qazaqstan arasyndaǵy dostyqqa jáne senimge qurylǵan qarym-qatynastar yntymaqtastyǵymyzdyń qarqyndy bolaryna kepildik beredi. Ekonomıkalyq ózara is-qımyl, bilim, ǵylym jáne halyqtarymyzdyń mádenı almasýy salalaryndaǵy ekijaqty qadamdar jalǵasady jáne eki memlekettiń tabysty órkendeýin qamtamasyz etedi dep úmittenemin», - delingen quttyqtaýda.
Dúnıejúzilik janýarlar densaýlyǵyn qorǵaý uıymynyń Shyǵys Eýropa elderi jónindegi óńirlik ókili N.Belev saılaý qorytyndysy Nursultan Nazarbaevtyń otandastary arasyndaǵy bıik bedelin tolyq qýattaǵanyna nazar aýdarǵan.
«Qazaqstan azamattary óz tańdaýlary arqyly eldi jedeldetip damytýǵa jáne halyqtyń ál-aýqatyn arttyrýǵa baǵyttalǵan Sizdiń saıasatyńyzdy keńinen qoldaıtynyn kórsetti», - dep jazady avtor.
Reseı munaı-gaz ónerkásipshileri odaǵy keńesiniń tóraǵasy ıÝ.Shafranık daýys berý qorytyndysy Nursultan Nazarbaev ázirlegen jáne eldi basqarǵan jyldary júzege asyryp kele jatqan ekonomıkalyq jáne saıası baǵdardy halyqtyń tolyq qoldaıtynyn kórsetkenine toqtalǵan.
«Qazaqstan sizdiń dana basshylyǵyńyzben qýatty, shyn máninde tarıhı sekiris jasap, ekonomıkada, áleýmettik ómirde, halyqaralyq qatynastarda keremet tabystarǵa jetti. Qazaq qalalarynyń ózgerip jatqan ajary, iri ónerkásiptik nysandardyń tabysty júzege asyrylýy, ınfraqurylymnyń damýy, jańa áleýmettik ortanyń qalyptasýy tánti etedi. Sizdiń basshylyǵyńyzben Qazaqstandy alda jańa jetistikter men jeńister kútip turǵany kúmánsiz», - delingen jedelhatta.
«Shell» kontserniniń atqarýshy dırektory B.Berden ótken saılaýdyń nátıjeleri Qazaqstan halqynyń joǵary senimi men qoldaýyn aıǵaqtaıtynyn atap ótken.
G.Álıev atyndaǵy «Ázerbaıjan-Qazaqstan» respýblıkalyq dostyq qoǵamynyń prezıdenti E.Gıýnaıdyn «Qazaqstan-2050» damý strategııasy qysqa tarıhı merzim ishinde óńirlik kóshbasshyǵa aınalǵan memleket álemniń jetekshi elderi qataryna kiretinine senimdilik beretinin atap ótken.
Qazaqstannyń Sýdan Respýblıkasyndaǵy qurmetti konsýly M.Mohamed Qazaqstan halqy ózin bolashaqqa bastaı alatyn qýatty kóshbasshyny tańdaǵanyna senim bildirgen.
«Bul shyn máninde laıyqty nátıje, óıtkeni búkil álem Sizdiń basshylyǵyńyzǵa tamsandy, qazaqstandyqtardy ekonomıkalyq syn-qaterlerden qalaı alyp ótip, onyń uly maqsatyna qaraı ilgeriletkenińizdi kórip otyrdy», - delingen jedelhatta.
Reseıdiń memlekettik qaıratkeri, saıasatker E.Lıgachev Memleket basshysyna myqty densaýlyq tilep, eńbek adamynyń ıgiligi, búkil álemdegi beıbitshilikti nyǵaıtý jolyndaǵy Qazaqstan men Reseı halyqtary arasyndaǵy yntymaqtastyqty damytýdaǵy belsendi qyzmetine nıettestigin jetkizgen.
«Komsomolskaıa pravda» gazetiniń bas redaktory V.Sýngorkın saılaý nátıjesi Qazaqstan Prezıdentiniń halyq arasyndaǵy minsiz bedeliniń jáne eldi áleýmettik-ekonomıkalyq damytý, halyqaralyq arenadaǵy Qazaqstannyń ustanymyn nyǵaıtý baǵytyndaǵy saıasatynyń qoldaý taýyp otyrǵanynyń dáleli ekenin aıtady.
«Saıasatker úshin halyqtyń qoldaıtynyn bilý óte mańyzdy. Sizdiń keremet elińizdiń budan ári ósip-órkendeýine nıettestigimdi bildirgim keledi», - dep jazady avtor.
Rııasyz quttyqtaýlary men jyly lebizderin Reseı Federatsııasynyń Omsk oblysynan N.Babko, Ózbekstan Respýblıkasynan K.Shýrıkova joldady.
***
Nursultan Nazarbaevty prezıdent saılaýyndaǵy jeńisimen «Qarashyǵanaq Petrolıým Opereıtıng B.V.» munaıgazkondensat kompanııasynyń ujymy men kásipodaq uıymy da quttyqtady.
«Siz Qarashyǵanaq kenishin damytý jóninde sheteldik ınvestorlarmen aradaǵy kelisimniń basy-qasynda turyp, oǵan qol qoıýdyń basty uıymdastyrýshysy boldyńyz. Qazir Qarashyǵanaq búkil álemge áıgili», - delingen hatta.
Sondaı-aq, avtorlar Memleket basshysyna myqty densaýlyq, tabys jáne baqýattylyq tilegen.
Almaty qalasy ákiminiń Kontserttik orkestri ujymy ókilderi Memleket basshysynyń kóregen saıasatynyń arqasynda eldegi turmys deńgeıi ósip, ózge elderdiń kóshbasshylary Qazaqstannyń bitimgershilik áleýetiniń zor ekenin aıtyp jatqanyna toqtalypty.
Almaty qalasynan Abacus International kompanııasy qyzmetkerleri óz quttyqtaýlarynda otandyq týrızm salasyndaǵy oń úrdisterdi atap ótken.
«Qazaqstanda týrızmdi, ásirese iskerlik týrızmdi damytý isi Ortalyq Azııa elderi arasynan bizdiń memlekettiń ornyn aıshyqtap, ustanymyn erekshelep otyr. Týrızm «Nurly jol» baǵdarlamasynyń quramdas bóligi retinde el damýynyń taǵy bir lokomotıvine aınalatynyna, al bul salany damytýdyń 2020 jylǵa deıingi tujyrymdamasy tabysty iske asatynyna senimdimiz», -- dep jazady avtorlar.
Qyzylorda oblysynyń Qarmaqshy, Syrdarııa, Jańaqorǵan aýdandary jurtshylyǵynyń ókilderi óz quttyqtaýlarynda Memleket basshysyna el azamattarynyń áleýmettik-ekonomıkalyq jaǵdaıyn jaqsartý máselelerine kóńil bólip otyrǵany úshin, Qazaqstandaǵy turaqtylyq pen tynyshtyq úshin alǵys aıtady. Sonymen qatar, olar elimizdegi táýelsizdik jyldaryndaǵy aýqymdy oń ózgeristerdi ataı kele, Qazaqstannyń damýynda budan da bıik belesterge qol jetkiziletinine senim bildirgen.
Almaty qalasyndaǵy «Bóbek» mektep-gımnazııasynyń oqýshysy N.Kúldeev elimizdiń bolashaǵyna qatysty Memleket basshysynyń boljamyn ómirdiń ózi rastaǵanyna nazar aýdarypty.
«Qazaqstan shynynda da zamanaýı jáne órkendeý ústindegi, halyqaralyq arenada bedeli bar memleketke aınaldy. Sizdiń basshylyǵyńyzben respýblıkamyz búginde úlken ózgerister jasaýǵa qabiletti. Meniń armanym - mektep bitirgen soń joǵary bilim alyp, «Bıznestiń jol kartasy-2020» baǵdarlamasynyń tabysty oryndalýyna bar kúshimdi salý», - delingen quttyqtaýda.
Budan bólek, qoldaý lebizderin bildirgen hattar men jedelhattar astanalyqtar - zań ǵylymdarynyń doktory, professor A.Smannan, D.Dúısenbaevtan, Jambyl oblysy Merke aýylynyń A.Qosanuly atyndaǵy №18 mektebiniń oqýshysy J.Erinsizden, Almaty oblysynan Ó.Báribekovten, Ońtústik Qazaqstan oblysynyń ımamy M.Haıtmetovten, Z.Qaljanovtan, pavlodarlyq S.Kejanovtan, shymkenttik N.Qýanyshevadan kelip tústi.