N. Nazarbaevtyń Májilisti taratý týraly sheshimi - saralanǵan sheshim - «Agromashholdıng» basshysy

ASTANA. QazAqparat - Memleket basshysynyń besinshi shaqyrylǵan Parlament Májilisin taratý jáne Májilisi depýtattarynyń kezekten tys saılaýyn taǵaıyndaý týraly sheshimi - saralanǵan sheshim. Bul týraly búgin Ortalyq kommýnıkatsııalar qyzmetindegi brıfıngte «Agromashholdıng» AQ dırektorlar keńesiniń tóraǵasy Dın Kım málim etti.

«Biz barshamyz álemde qarqyn alyp otyrǵan daǵdarys pen aýyr ekonomıkalyq ahýal jaıynda bilemiz. Qazaqstan jahandyq ekonomıkanyń bir bóligi retinde syrtqy faktorlardyń keri yqpalyn sezinýde. Bul turǵyda valıýtalyq dálizdiń qubylýy, energııa tasymaldaǵyshtar qunynyń tómendeýi sekildi máseleler bar. Elbasynyń parasatty saıasatynyń arqasynda elimizde ózimizdiń óndiristi damytý, ujymdardy qoldaý men áleýmettik jaýapkershilikterdi oryndaý múmkindigine ıemiz. Sondyqtan da Memleket basshysynyń besinshi shaqyrylǵan Parlament Májilisin taratý týraly bastamany qoldaý boıynsha sheshimi - saralanǵan sheshim. Sebebi, saılaý naýqany árqashan halyqty biriktirip keldi»,-dedi D. Kım.

Onyń paıymynsha, saılaý óz kezeginde Parlamentke jalpyulttyq jańa senim mandatyn usynyp, jahandyq problemalar aıasynda sheshim qabyldaýǵa múmkindik beredi.