N. Nazarbaevtyń kóshbasshylyǵy jalpyǵa moıyndalǵan fakti - K. Saǵadıev
ASTANA. Mamyrdyń 12-si. QazAqparat /Qanat Mámetqazyuly/ - N. Nazarbaevtyń kóshbasshylyǵy jalpyǵa moıyndalǵan fakti. Búgin QR Parlamenti Májilisiniń jalpy otyrysynda QR Tuńǵysh Prezıdenti-Elbasynyń qyzmetin qamtýǵa baılanysty zań jobasyn talqylaý barysynda depýtat Kenjeǵalı Saǵadıev osylaı málim etti, dep habarlaıdy QazAqparat.
Depýtattyń aıtýynsha, «Elbasy-Ult kóshbasshysy» degen termın men laýazym Parlament Májilisiniń qabyrǵasynda paıda bolǵan dúnıe emes, bul elimizdiń túkpir-túkpirinde aıtylyp, qoldanylyp júrgen laýazym.
«Sonymen birge, bul ótken ǵasyrdyń ortasynan bastap búgingi kúnge deıin kúndelikti qoldanylyp jatqan, keıbir memleket qaıratkerleriniń erekshe ornyn kórsetý úshin qoldanylatyn laýazym. Onyń negizi bizdegi azamattyq qoǵamnyń damýyna da baryp tireledi. Osy azamattyq qoǵamnyń arqasynda Qazaqstanda Memleket basshysy jalpyhalyqtyq saılaý arqyly anyqtalady. Degenmen, kóptegen elderde Elbasylar da, Kóshbasshylar da bar. Al N. Nazarbaev týraly aıtatyn bolsaq onyń Elbasylyǵy, Ult kóshbasshylyǵy - bul jalpyǵa moıyndalǵan fakti», dedi K. Saǵadıev.
