N.Nazarbaevtyń kóregendigi - ultaralyq kelisimdi saıasattyń basty tuǵyry etip ustaýynda - V.Salahov
Astana qalasynyń ǵylymı-saraptamalyq keńesiniń tóraǵasy, «Turan-taıms» gazetiniń bas redaktory, Qazaqstandaǵy ázerbaıjan mádenı ortalyqtarynyń prezıdenti Vıdadı Salahov Qazaqstan halqy Assambleıasynyń 19-jyldyq mereıtoıyna oraı osyndaı pikir bildirdi.
«N.Á.Nazarbaevtyń Táýelsizdik alǵannan keıingi alǵashqy jyldardan bastap júrgizip kele jatqan ultaralyq saıasaty bertin kele álemdik tarıhta óz ornyna ıe boldy. Sebebi, dúnıejúzinde buryn Halyq assambleıasy sııaqty osyndaı ınstıtýt bolǵan joq. El prezıdentiniń saıası kóregendigi Qazaqstandy ultaralyq kelisimniń arqasynda burynǵy barlyq keńestik respýblıkalardyń ishinde eń turaqty memleket bolýyna alyp keldi», - dedi V.Salahov.
Onyń sózine qaraǵanda, Qazaqstandaǵy barlyq saıasat eldiń 130 etnosy ókilderiniń arasyndaǵy dostyq pen kelisimge negizdelgen.
