N. Nazarbaevtyń eýrazııalyq ıdeıasy Qazaqstandy geoekonomıkalyq jáne geosaıası úderisterde yqpaldy qatysýshyǵa aınaldyrý - reseılik sarapshynyń pikiri
ASTANA. Mamyrdyń 21-i. QazAqparat /Rýslan Ǵabbasov/ - Nursultan Nazarbaevtyń eýrazııalyq ıdeıasyn júzege asyrýdyń maqsaty Qazaqstandy geoekonomıkalyq jáne geosaıası úderisterde yqpaldy qatysýshyǵa aınaldyrý.
Bul týraly búgin Astanada «N. Nazarbaev fenomeni: Eýrazııa keńistigindegi yqpaldastyq úderister damýyndaǵy jeke tulǵalyq faktor» eýrazııalyq saraptama forýmynda M. Lomonosov atyndaǵy MMÝ janyndaǵy Postkeńestik keńistiktegi qoǵamdyq-saıası úderisterdi zertteý boıynsha aqparattyq-taldamalyq ortalyqtyń bas dırektory Alekseı Vlasov málim etti, dep habarlaıdy QazAqparat.
«Nursultan Nazarbaevtyń eýrazııalyq ıdeıasyn júzege asyrýdyń naqty tájirıbesi - ótken 15 jylda sóz júzinde emes, tek is júzinde Qazaqstandy geoekonomıkalyq jáne geosaıası úderisterde yqpaldy qatysýshyǵa aınaldyrý», dedi A. Vlasov.
«Atap aıtqanda, seriktesterge yqpaldastyqty usynar aldynda eń aldymen óziń qalyptasýyń qajet. Bul ustanymdy Qazaqstannyń ózi kórsete aldy. Bul tájirıbelik eýrazııashyldyqtyń úzdik sýrettemesi. Bul reformalaý men alǵa jyljý, sondaı-aq bul seriktes bolýǵa daıyn bolǵandardyń áleýetin biriktirý»,-dedi reseılik sarapshy.
