N. Nazarbaevtyń bedeli tıimdi syrtqysaıası kommýnıkatsııa qalyptastyrýǵa múmkindik beredi - B.Tólegenov
ASTANA. QazAqparat - «Saıasat» ınternet-basylymynyń shef-redaktory Baýyrjan Tólegenov Qazaqstandaǵy kezekten tys prezıdenttik saılaýdyń qorytyndysy týraly oılarymen bólisti.
«Keshe ǵana ótken saılaý kampanııasynyń qorytyndylary zańdy ári aıqyn. Bul saılaýshylardyń qatysýyna da baılanysty. Birinshiden, Nursultan Nazarbaevtyń róli aıqyn. Onyń saıasatynyń tıimdiligi ýaqyt tezinen ótken. Ekinishi jaǵynan alyp qaraǵanda, tek N. Nazarbaev qana jyldar boıy jınaǵan bedeli men tájirıbesiniń arqasynda syrtqy saıası ortamen berik baılanys ornata alady. Bul faktor búginde halyqaralyq arenadaǵy bolyp jatqan jaǵdaıǵa jáne geosaıası týrbýlenttilikke baılanysty asa úlken mánge ıe bolyp otyr», - dep atap ótti ol jýrnalısterge bergen suhbatynda.
Onyń aıtýynsha, saılaý kampanııasy joǵary dárejede uıymdastyryldy jáne saılaýshylardyń qatysýy burynǵy rekordtardy buzdy.
«Saılaýshylardy saılaýǵa qatysýǵa shaqyrǵan jumystar joǵary dárejede uıymdastyrylmaǵan bolsa, saılaý da osyndaı sátti ótpeıtin edi. Eshqandaı konfrontatsııalyq rıtorıka bolǵan joq», - dedi B. Tólegenov.
