N.Nazarbaevtyń bastamalary qazirgi álemniń damý tendentsııasyna sáıkes keledi - QHR Memkeńes janyndaǵy sarapshy
BEIJІŃ. QazAqparat - Nursultan Nazarbaevtyń BUU shtab-páterin Azııaǵa aýystyrý jónindegi bastamasy qazirgi álemniń damý tendentsııasyna sáıkes keledi.
Bul týraly qazaqstandyq jýrnalısterge bergen suhbatynda QHR Memkeńesiniń damýdy zertteý ortalyǵy janyndaǵy Eýropa men Azııanyń áleýmettik damý ınstıtýty bas hatshysynyń orynbasary ıAn Sıanhýn (Yang Xianghong) málim etti.
«QR Prezıdenti N.Nazarbaevtyń BUU mereıtoıly sessııasynda sóılegen sózderi mazmundy boldy. Qytaılyq BAQ-ta N.Nazarbaevtyń BUU shtab-páterin Azııaǵa aýystyrý jónindegi bastamasy týraly jańalyq keń tarady. Bul - óte ózekti usynys, óıtkeni ol qazirgi álemniń damý tendentsııasyna sáıkes keledi. Azııa ólkesi kóptegen kórsetkishter boıynsha, birinshi kezekte ekonomıkalyq ósim boıynsha alǵashqy oryndardan kórinedi», - dedi ol.
Qytaılyq sarapshy atap ótkendeı, N.Nazarbaev - boljampaz ári dana lıder, onyń bastamalary bolashaqqa baǵyttalǵan.
Eske sala keteıik, QHR Memkeńesi janyndaǵy Damýdy zertteý ortalyǵynyń el men álemdegi bedeli joǵary.
