N. Nazarbaevtyń 200-den astam qoǵamdyq nagradalary Astanadaǵy kórmege qoıyldy (FOTO)
ASTANA. QazAqparat - Búgin elordada QR Tuńǵysh Prezıdentiniń mýzeıinde Memleket basshysy Nursultan Nazarbaevtyń qoǵamdyq nagradalary jurtshylyq nazaryna usynyldy.
Mýzeı janyndaǵy eń basty ári mańyzdy oryndy Elbasynyń nagradalar qory alady.
Onyń quramyna Qazaqstan Respýblıkasy jáne sheteldik memleketterdiń joǵary memlekettik jáne qoǵamdyq nagradalardyń kollektsııalary kiredi.
Qalyń jurtshylyq aldyna alǵash ret QR Prezıdentiniń 200-den astam marapattary - ordender, medaldar, qurmetti jáne estelik tósbelgiler, kýálikter, dıplomdar men sertıfıkattar qoıylyp otyr.
«Mýzeıimizdiń qory búgin basqa, meılinshe tolyq qyrynan kórinip otyr. Bizdiń mýzeıge kelip turatyn turaqty kelýshiler bizdiń kúmis zalda joǵary memlekettik nagradalar baryn biledi. Ol marapattar Nursultan Nazarbaev 1997 jyldan bastap ıelengen. Ol shetel memleketteriniń joǵary nagradalary bolsa, búgin biz qoǵamdyq nagradalar qoryn kórsetemiz. Olar túrli qoǵamdyq uıymdarmen, sarapshylyq jáne kásibı qoǵamdastyqtarmen taǵaıyndalady. Bul Elbasymyzdyń memlekettik emes qyzmetiniń kórinisi dese de bolady», - deıdi mýzeı dırektorynyń orynbasary Kúláısha Aqtaeva.
Kórme birneshe taqyryptyq bólimderge bólingen jáne 17 tamyzǵa deıin jalǵasady.
