N.Nazarbaevty qoldaýdyń joǵary deńgeıi Qazaqstandaǵy qoǵamnyń ári qaraı jumylýyna negiz bolady
TBILISI. 14 sáýir. QazAqparat /Arnur Muhametkárim/ - Sheteldik saıasatkerler men sarapshylar Qazaqstanda ótken prezıdenttik saılaýǵa qatysty pikirlerin bildirýdi jalǵastyrýda.
QazAqparat nazarlaryńyzǵa grýzın saıasattanýshysy, «Mır» halyqaralyq teleradıokompanııasynyń Grýzııadaǵy fılıalynyń dırektory Badrı Nachkebııanyń pikirin usynady:
«Demokratııalyq memlekettiń basshysyna báribir syn aıtylady. Demokratııalyq memleket kúshti bolǵan saıyn, syn da ótkir, oǵan qulaq asý kerek»,- deıdi Qazaqstan Prezıdenti Nursultan Nazarbaev. Kezekti saılaýda jeńiske jetken N.Nazarbaevtyń bul sózin onyń 95,55 paıyz daýys alýynyń sebepterin taldaýda negizgi rol atqarady dep aıtýǵa bolady. Qazaqstannyń kópultty halqynyń ony basym daýyspen taǵy da prezıdenttikke saılaýynyń basty sebebi - onyń uzaq jyldar boıy ádil, demokratııalyq bılik júrgizýi, deıdi saıasattanýshy. Respýblıka halqy keleshek basshylyqtan, qaıtadan saılanǵan prezıdentten beıbitshilikti, demokratııany jáne turaqtylyqty kútedi.
Halyqaralyq baıqaýshylardyń kópshiligi saılaý protsesiniń jaqsy jáne ashyq uıymdastyrylǵanyn aıtyp otyr. Búkil álemdik qoǵamdastyq Qazaqstanda ótken prezıdenttik saılaýdyń qorytyndysyn biraýyzdan qoldady. N.Nazarbaevty qoldaýdyń joǵary deńgeıi Qazaqstannyń kópultty qoǵamyn ári qaraı jumyldyrýǵa jáne eldiń aımaqtaǵy kóshbasshy retindegi básekege qabilettigin arttyrýǵa, sondaı-aq áleýmettik-ekonomıkalyq jáne saıası reformalardy ári qaraı jalǵastyrýǵa negiz bolady. Bul saılaý, jalpyhalyqtyń daýys berýdiń qorytyndysy eldegi naqty saıası ahýaldy kórsetetinin rastady. Jeńistiń negizgi sebebi - N.Nazarbaevtyń jeke basynyń zor bedeli.
Qazaqstanǵa ótken saılaýǵa baǵa bergen Eýropa Keńesi Parlamenttik Assambleıasy delegatsııasynyń basshysy ıÝlııa Levochkınanyń aıtýynsha, «saılaý halyqtyń erkin tolyq kórsetip otyr», - dedi ol.
