N.Nazarbaevqa tán kúsh-qýat pen tabandylyq eldiń damýy jolynda barlyq kedergini eńserýge kómektesedi - S.Mıhaılov
ASTANA. QazAqparat - Qazaqstan Prezıdentiniń atyna memleket qaıratkerlerinen, iri kompanııalar men uıymdar basshylarynan, elimizdiń jáne shet elderdiń bilim berý salasy ókilderinen, sonymen qatar azamattardan quttyqtaý hat-habarlary áli de kelip túsýde, dep habarlady Aqordanyń baspasóz qyzmetinen.
Máselen, «Inter RAO» toby basqarmasynyń tóraǵasy B.Kovalchýk Qazaqstan Prezıdentine Qazaqstan men Reseıdiń ekijaqty qarym-qatynasynyń damýyna qosqan úlesi jáne syndarly kelissózder ustanymy úshin rızashylyq bildirgen.
«Sizdiń joǵary kásibı jáne jeke tulǵalyq qasıetterińiz, ótkir túısigińiz ben basqarýshylyq darynyńyz tipti ahýaldyń eń qıyn kezderinde de muqııat oılastyrylǵan tıimdi sheshimder qabyldaýyńyzǵa múmkindik berdi. Sizdiń Qazaqstan Prezıdenti laýazymyndaǵy jemisti qyzmetińizdiń nátıjesiniń biri eshqandaı silkinister shaıqalta almaıtyn ornyqty jelilik ınfraqurylym men turaqty energııa júıesiniń qurylýy boldy», - delingen hatta.
Reseı Aqparattyq agenttiginiń (ITAR-TASS) bas dırektory S.Mıhaılov Nursultan Nazarbaevqa tán kúsh-qýat, sheshimtaldyq pen tabandylyq eldiń damýy jolynda barlyq kedergini eńserýge kómektesetinine senim bildirgen.
«Іskerlik qabiletińiz, jaýapkershiligińiz, baı jumys tájirıbeńiz, joǵary kásibı deńgeıińiz Sizdiń óz qyzmetińizde kózdelgen josparlaryńyzdyń báriniń oryndalýyna septigin tıgize bersin», - dep jazady avtor.
S.Gerasımov atyndaǵy Búkilreseılik memlekettik kınematografııa ýnıversıtetiniń rektory V.Malyshev Nursultan Nazarbaevqa kózdegen maqsattaryna jetý jolynda senimdilik tilep, josparlaǵan baǵdarlamalarynyń bári tabysty oryndalýyna nıettestik bildirgen.
Eń izgi tilektermen aıshyqtalǵan quttyqtaýlar «Rosatom» memlekettik korporatsııasynyń bas dırektory S.Kırıenkodan, Moldova Respýblıkasy Parlamentiniń depýtaty V.Hotınıanýdan, «Túrik oshaqtary» uıymynyń tóraǵasy M.Ozadan, QR Ulttyq akademııalyq kitaphanasynyń bas dırektory Ú.Muńalbaevadan, Almaty qalasynan eńbek ardageri Sh.Mýterperldan, Shymkent qalasynan E.Ramanqulovtan, Qostanaı qalasynan G.Moldahmetovadan, Atyraý oblysynan R.Jumalıevadan, sondaı-aq O.Qodashevtan kelip tústi.
Memleket basshysynyń atyna quttyqtaý hattary men jedelhattary áli de kelip túsip jatyr.
