N. Nazarbaevqa 2010 jylǵy joǵary zańgerlerlik «Femıda» syılyǵy tabys etildi

ASTANA. Tamyzdyń 27-si. QazAqparat /Qanat Mámetqazyuly/ - Búgin Astanadaǵy Beıbitshilik pen kelisim saraıynda «Konstıtýtsııa - memlekettiń demokratııalyq damýynyń negizi» atty halyqaralyq ǵylymı‑tájirıbelik konferentsııanyń birinshi kúninde QR Prezıdenti Nursultan Nazarbaevqa Halyqaralyq zańgerler odaǵynyń tóraǵasy A. Trebkov 2010 jylǵy joǵary zańgerlik «Femıda» syılyǵyn tabys etti.

Quramyna on eki el zańgerleriniń otyz bes qaýymdastyǵy kiretin Halyqaralyq zańgerler odaǵynyń osy abyroıly syılyǵy quqyqtyq memlekettiń jáne azamattyq qoǵamnyń ınstıtýttaryn damytýǵa qosqan úlesi úshin kórnekti qoǵam qaıratkerlerine beriledi. Syılyq ıegerlerine belgili reseılik músinshi, Reseı kórkemóner akademııasynyń akademıgi Mıhaıl Pereıaslevetstiń jobasy boıynsha qoladan quıylǵan, joǵary erekshelik belgisi - sot tóreliginiń qudaıy - Femıdanyń músini tabys etiledi.

1996 jyldan bastap bul syılyq Reseı Prezıdenti D. Medvedevke, Bolgarııa Prezıdenti P. Stoıanovqa, Máskeý meri ıÝ. Lýjkovqa, Eýropa odaǵy Bas hatshysynyń orynbasary G. Krıýgerge jáne basqa da birqatar elderdiń kórnekti qoǵam jáne saıası qaıratkerlerine berilgen.