N.Nazarbaev: Jergilikti ákimderge birqatar qyzmetter beriledi
ASTANA. QazAqparat - Jergilikti ákimderge birqatar qyzmetter beriledi. Bul týraly búgin 5-shi shaqyrylǵan QR Parlamentiniń 4-shi sessııasynyń ashylýynda sóz sóılegen Elbasy Nursultan Nazarbaev aıtty.
«Ákimdikterge óńirlik deńgeıde barynsha tıimdi oryndalatyn qyzmetterdi berý qajet, eń aldymen jergilikti mańyzdaǵy qyzmetterdi. Munyń tıimdiligin halyqaralyq tájirıbe kórsetip otyr. Bul rette, bir qyzmet tek bir ǵana memlekettik organǵa tıesili bolýy qajet, qaıtalaý bolmaýy tıis. Ortalyq memlekettik organdar zańnamanyń barlyq normalarynyń oryndalýyna baqylaý men qadaǵalaýdyń sapasy tómendemeýin qadaǵalaýy kerek», - dedi N.Nazarbaev.
Elbasynyń atap ótýinshe, aýyl sharýashylyǵy boıynsha jergilikti organdardyń ókilettik shoǵyryn keńeıtý qajet. Sonymen qatar veterınarlyq baqylaý salasyndaǵy qyzmetterdi jáne shtat pen mamandardy ákimdikterge berip, olardyń nyǵaıýyn qamtamasyz etý mańyzdy.
«Halyqty jylýmen jabdyqtaý salasyndaǵy qyzmetterdi kórsetýmen baılanysty jekelegen fýnktsııalardy ákimderdiń júrgizýine aýyrtpalyqsyz berý qajet. Máselen, jylýmen jabdyqtaý nysandarynyń jumysyn júrgizý máselesi, jylý berý maýsymyna daıyndyq tolyǵymen jergilikti ákimniń qolynda bolýy tıis. Buǵan qosa, jergilikti organdarǵa qyzmetter berý - bul olarǵa zor ókilettik júkteý ǵana emes», - dedi Elbasy.
