N.Nazarbaev: Jańa basshylyq Ulttyq bankti saýatty basqara alatyndyǵyna senemin
ASTANA. QazAqparat - Jańa basshylyq Ulttyq bankti saýatty basqara alatyndyǵyna senemin. Bul týraly búgin Qazaqstan halqyna «Qazaqstan jańa jahandyq naqty ahýalda: Ósim, reformalar, damý» atty Joldaýyn arnaǵan Elbasy Nursultan Nazarbaev aıtty.
«Ulttyq banktiń qoǵamǵa, qarjy ınstıtýttaryna óziniń qyzmetine qatysty mańyzdy aqparattardy turaqty túrde usynyp otyrýy mańyzdy. Qarjy sektorynyń barlyq qatysýshylarymen durys jumys qarym-qatynasyn ornatý mańyzdy. Barlyq qajetti sharalardy qabyldaǵannan keıin ǵana ekonomıkany yntalandyrý, onyń ishinde monıtorlyq ádisterge kóshýge bolady. Men jańa basshylyq Ulttyq bankti saýatty basqara alatyndyǵyna, bizdiń halqymyzdyń bankke jáne ózderine senimin qalyptastyra alatyndyǵyna senimdimin», - dedi N.Nazarbaev.
Sonymen qatar Elbasy barshamyz ulttyq valıýtaǵa degen senimimizdi kúsheıtýimiz qajettigin basa aıtty.
«Qazirgi ýaqytta teńge salymy azamattardyń jınaqtaryn saqtaý úshin úzdik aqsha bolyp tabylady», - dedi Memleket basshysy.
