N.Nazarbaev veterınarlyq zerthanalardy salý máselesine qatysty Aýyl sharýashylyǵy mınıstrliginiń jumysyn synǵa aldy
ASTANA. 27 qańtar. QazAqparat /Arman Asqarov/ - Sapaly otandyq et eksportyn damytý úshin veterınarlyq qyzmetti damytamyz dedik. Biraq búginge deıin josparda turǵan 126 veterınarlyq zerthananyń tek 27-si ǵana salyndy.
Búgin Úkimet úıinde jumys keńesin ótkizgen Memleket basshysy Nursultan Nazarbaev osylaı málim etip, Aýyl sharýashylyǵy mınıstrliginiń jumysyn synǵa aldy.
«Endigi kezekte, qalǵan zerthanalardy tezdetip salyp, iske qosý qajet», - dedi Elbasy.
«Sońǵy jyldary memleket aýyl sharýashylyǵy salasyndaǵy sút, et fermalary men azyq-túlik qoımalarynyń qurylysyna biraz qarajat saldy. Odan kelgen paıda bar ma? Biz dittegen maqsatqa jettik pe? Osyǵan oraı men Úkimet, oblys ákimderi men «QazAgro» kompanııasyna bul jumysty atqaryp, qurylǵan ónerkásipterdi tıisti deńgeıge shyǵarýdy tapsyramyn», - dedi Prezıdent.
Sondaı-aq N.Nazarbaev, jerdi jalǵa berý máselesine erekshe toqtalyp, olar aldaǵy kóktemgi egin jumystaryna daıyn bolýy qajettigin qadap aıtty.
