N.Nazarbaev úzdik kýrsanttarǵa ofıtser shenin tapsyrdy (FOTO)
«Shırek ǵasyr ýaqyt ishinde biz myqty memleket qurdyq. Jýyrda ǵana elimiz Birikken Ulttar uıymy Qaýipsizdik keńesiniń turaqty emes múshesi bolyp saılandy. Halyqaralyq qoǵamdastyq Qazaqstanǵa jer sharynyń qaýipsizdigin qamtý jóninddegi osyndaı jaýapty qyzmetti senip tapsyrdy. ıAǵnı, bizdiń elimizdiń abyroıy artyp, bedeli kúsheıdi. Qaýipsizdik keńesindegi jumys endi Týymyzdy odan da tanymal etedi», - dedi Memleket basshysy Astananyń týǵan kúnine arnalǵan sharalarǵa resmı bastaý bere otyryp,
Al, kýrsant túlekterdi quttyqtaǵan Memleket basshysy endi olardyń oqý ornynda alǵan bilimi el damýyna qyzmet etsin degen tilegin bildirdi.
«Elimizde myńdaǵan túlek oqý bitirip jatyr. Biraq, sender Memlekettik týdy kóterý rásimine arnalǵan saltanatty sharaǵa qatysyp, jańa ómirge osy jerden joldaý alyp otyrsyńdar. Bul beker emes, sebebi, sender halyq syılaıtyn maman ıesi atandyńdar. Bul - Otandy qorǵaý degen mamandyq. Birneshe jyl boıy oqyp-toqydyńdar, endi bar bilimderińdi tájirıbege aınaldyryp, el damýyna úles qosasyńdar. Qyzmetteriń senderdiń minezderińdi qataıtty, sondyqtan, Otandy qorǵaý qyzmetin abyroımen atqaradyńdaryńa senemin», - dedi N.Nazarbaev.
