N. Nazarbaev usynǵan ár reforma qazaqstandyq qoǵamnyń damýyna qyzmet etýi - asa mańyzdy - ınternatsıonalıst jaýyngerler
ASTANA. QazAqparat - «Instıtýtsıonaldyq reformalar retinde Memleket basshysy N. Nazarbaev usynǵan qazaqstandyq memlekettilikti odan ári nyǵaıtý baǵyty ómir súrýdiń barlyq salasyn qamtıdy» degen senimde «Qazaqstan ardagerleri» Aýǵan soǵysy ardagerleri qaýymdastyǵy.
«Biz beıbitshilik pen tynyshtyqtyń qadirin bilemiz. Qazaqstandyq áskerdi jańǵyrtý sııaqty mańyzdy baǵyttyń qajettiligin atap ótkimiz keledi. Joǵary rýhty patrıotızm, qarýly kúshterdiń elin qorǵaýǵa saqadaı-saı ázirligi elde turaqtylyqty barynsha nyǵaıtýǵa, áleýmettik-ekonomıkalyq damýdyń basym mindetterin sheshýge múmkindik beredi. Zań ústemdigin qamtamasyz etýge baǵyttalǵan reforma ekonomıkalyq ósimge jol ashady», - delingen resmı laýazymyna kirisken N. Nazarbaevty quttyqtaǵan Qaýymdastyq hatynda.
«Quqyq qorǵaý organdary qyzmetin odan ári jańǵyrtý, atap aıtqanda, ashyqtyqty qamtamasyz etý, aqparattyq tehnologııalardy damytý, polıtsııaǵa kásibı jáne psıhologııalyq irikteýdiń jańa júıesin engizý barlyq halyqaralyq talaptarǵa sáıkes keletin joǵary kásibı polıtseıler korpýsyn qalyptastyrýǵa múmkindik beredi. QR Prezıdenti usynǵan ár reforma beıbitshilik pen kelisimge, qazaqstandyq qoǵamnyń damýyna qyzmet etýi - asa mańyzdy», dep atap ótti ınternatsıonalıst jaýyngerler.
