N. Nazarbaev «Tulǵa. Elbasy. Tarıh» kontsertin tamashalady (FOTO)

ASTANA. QazAqparat - Memleket basshysy Nursultan Nazarbaev «Qazaqstan» ortalyq kontsert zalynda ótken «Tulǵa. Elbasy. Tarıh» kontsertin tamashalady.

Bul týraly Aqordanyń baspasóz qyzmetinen habarlady.

Tuńǵysh Prezıdent kúnin merekeleý aıasynda uıymdastyrylǵan kontsertke Qazaqstannyń estrada juldyzdary, eldiń aldyńǵy qatarly mýzykalyq jáne bı ujymdary qatysty.

Qazaq halyq aspaptary orkestri men Astana memlekettik akademııalyq fılarmonııasynyń sımfonııalyq orkestri, «Shabyt» Qazaq ulttyq óner ýnıversıtetiniń shyǵarmashylyq ujymy oryndaǵan týyndylar men horeografııalyq qoıylymdar jáne patrıottyq rýhtaǵy mýzykalyq nómirler arqyly qazaqstandyqtar qaster tutatyn negizgi qundylyqtar - halyq birligi, qoǵamdyq kelisim, tatýlyq pen turaqtylyq, salt-dástúr, «Máńgilik el» ulttyq ıdeıasy keńinen kórinis tapty.