N.Nazarbaev: Táýelsizdiktiń eleń-alańyndaǵy taǵylymdy qadamdardyń biri - «Bolashaq» baǵdarlamasy
«Qurmetti «Bolashaq» túlekteri, búgingi kúni sizdermen júzdesip otyrǵanyma qýanyshtymyn. 1991 jyly Keńes Odaǵy ydyrap, onyń quramyndaǵy 15 memleket táýelsizdigin aldy. Onyń ishinde Qazaqstan da bar. Sol 15 respýblıkanyń ishindegi ekonomıkasy men órleýi jaǵynan eń tómengilerdiń arasynda júretin el edik», - dep atap ótken Memleket basshysy 150 jyl boıy Reseıdiń bodanynda bolǵan Qazaq eliniń 91 jyldyń 16 jeltoqsanynda óz Táýelsizdigin alǵanyn basa aıtty.
«Bizde syrtqy saıasat degen bolǵan joq. Іshki saıasatymyzdy da Máskeý taǵaıyndap beretin. Kadrlarymyz joq. Naryq ekonomıkasy degendi eshkim bilmeıdi. Joǵary oqý oryndary budan buryn oǵan oqytqan joq. Dúnıejúzilik ekonomıkanyń ne ekendigin eshkim bilmeıdi. Biz jerge túsip synǵan tabaqtyń bir synyǵy sııaqty bolyp qaldyq. Ekonomıka toqyrady. Halyq jumyssyz qaldy. Jalaqy tóleıtin, zeınetaqy tóleıtin bıýdjette qarajat joq. Barlyq dúkenderdiń ishi bos. Satyp alatyn tamaq ta joq. Aı saıyn ınflıatsııa 50 paıyz, jylyna 2160 paıyzdy quraıtyn. Sender ony qazir túsinesińder. Mundaı jaıt Latyn Amerıkasynyń toqyraýy kezinde de bolǵan joq. Osyndaı jaǵdaıǵa biz tap boldyq. Sondyqtan Táýelsiz el bolyp, Qazaqstandy jeke memleket jasaý, ony kóterý degen uly maqsat aldymyzda turdy. Sonyń ishindegi taǵylymdy qadamdardyń biri «Bolashaq» baǵdarlamasy edi», - dedi N.Nazarbaev.
Elbasy óz sózinde 93 jyldyń kúzinde, osydan týra 20 jyl buryn memlekettiń qarjysy bolmasa da, kadrlardy shetelde daıyndaý týraly sheshim qabyldaǵanyn atap ótti.
