N.Nazarbaev: Sot júıesiniń tıimdiligin arttyrý árkezde de memlekettiń qamqorlyǵynda
ASTANA. 20 qarasha. QazAqparat - Sot júıesiniń tıimdiligin arttyrý árkezde de memlekettiń qamqorlyǵynda. Bul týraly búgin QR Sýdıalarynyń VI sezinde Elbasy Nursultan Nazarbaev aıtty.
«Sot júıesiniń tıimdiligin arttyrý árkezde de memlekettiń jáne jeke meniń qamqorlyq taqyrybym boldy. Sottardyń qyzmetin qamtamasyz etýge arnalǵan respýblıkalyq bıýdjet shyǵystary 2006 jyldan 2,6 esege ósip, 11,2 mlrd. teńgeden aǵymdaǵy jyly 30 mlrd. teńgege artty»,- dedi Elbasy.
QR Prezıdentiniń atap ótýinshe, elimizde sot júıesiniń materıaldyq bazasy da barynsha nyǵaıtyldy. Qazaqstannyń barlyq sottary tehnıkamen jaraqtanyp, zamanaýı talaptarǵa saı keletin ǵımarattarǵa ornalastyrylýda. Bul jumystar óz jalǵasyn tabatyn bolady. Máselen, taıaýda Astanada jáne Almaty men Qostanaı oblystarynda sotqa arnalǵan ǵımarattardyń qurylysy aıaqtalatyn bolady.
«Tek 4 jyldyń ishinde ǵana qazaqstandyq femıda qyzmetshileriniń jalaqysy 60 paıyzǵa ósti. Barlyq deńgeıdegi sýdıalardyń jalaqysy bul óńirdegi, tipti atqarýshy bılikpen salystyrǵanda da eń joǵarǵysy bolyp sanalady», - dedi N.Nazarbaev.
