N.Nazarbaev ShYU elderin halyqaralyq kóliktik-logıstıkalyq jelige yqpaldasý úderisin jedeldetýge shaqyrdy

ÝFA. QazAqparat - ShYU keńistiginiń halyqaralyq kóliktik logıstıkalyq júıege yqpaldasý protsesin údetý qajet. Búgin Ýfada ótip jatqan ShYU memleket basshylary keńesiniń keńeıtilgen otyrysynda Elbasy Nursultan Nazarbaev osylaı málim etti, dep habarlady QazAqparat tilshisi.

»Shanhaı protsesine qatysýshylardyń ekonomıkalyq áleýetin ashý úshin ShYU keńistiginiń halyqaralyq kóliktik logıstıkalyq júıege yqpaldasý úderisin údetý qajet. Munyń Azııa, Eýropa, Taıaý Shyǵys pen Afrıkany qosa alǵanda barlyǵyna da tıimdi ekendigi shúbá týdyrmaıdy», dedi QR Prezıdenti.

Memleket basshysy jańa ekonomıkalyq baǵdarlamalardy, Qytaı taraby bastamashy bolǵan Jibek joly ekonomıkalyq beldeýin júzege asyrý, Eýrazııalyq ekonomıkalyq odaq aıasynda qurylatyn jaıly ahýal ShYU mindetterimen tolyq saı keletindigin basa aıtty.

«Munyń barlyǵy taǵy bir aýqymdy mindetti - Ortalyq Azııa damýyn ózara tolyqtra túsetin makroekonomıkalyq keńistikti qurýǵa múmkindik beredi. ShYU-nyń ekonomıkalyq áleýetin tolyqqandy iske qosý maqsatynda ymyra jol izdeýdi jalǵastyrý qajet. Bul rette Azııa ınfraqurylymdyq damý bankiniń áleýetin ekonomıkalyq jobalardy júzege asyrýda biryńǵaı alań retinde paıdalanýdyń bolashaǵy zor kórinedi», dedi N.Nazarbaev.