N.Nazarbaev ShYU aıasynda Erkin saýda aımaǵyn qurý sharttaryn atady

TAShKENT. QazAqparat - Saýda-ekonomıkalyq yntymaqtastyqty tereńdetý ShYU aıasyndaǵy Erkin saýda aımaǵyn qurý sharttaryn qamtamasyz etedi. Shanhaı Yntymaqtastyq Uıymyna múshe memleketter basshylary keńesiniń keńeıtilgen quramdaǵy otyrysynda QR Prezıdenti Nursultan Nazarbaev osyndaı usynys jasady.

QR Prezıdenti óz sózinde Qazaqstanda qurylǵan «Astana» halyqaralyq qarjy ortalyǵynyń áleýetin belsendi iske qosý der ýaqytynda júrgizilip jatqanyn atap ótti. «Ol táýelsiz zań júıesi men jeńildikti salyqtyq rejimi bar óńirlik qarjy-ınvestıtsııalyq habqa aınalýǵa negizdelgen», - dedi Elbasy.

Sonymen birge, Memleket basshysy óńirdegi makroekonomıkalyq damýdy yntalandyrý úshin Azııalyq ınfraqurylymdyq ınvestıtsııa bankiniń múmkinshilikterin paıdalaný mańyzdylyǵyn basa aıtty.

«Saýda-ekonomıkalyq jáne qarjy-ınvestıtsııalyq yntymaqtastyqty tereńdetý bolashaqta ShYU aıasyndaǵy Erkin saýda aımaǵyn qurý úshin qajetti sharttardy qamtamasyz etedi», - dedi N.Nazarbaev.