N.Nazarbaev: Serbter úshin Qazaqstan - tyǵyz yntymaqtasýǵa bolatyn memleket
BELGRAD. QazAqparat - Serbter úshin Qazaqstan - tyǵyz yntymaqtasýǵa bolatyn memleket. Serbııaǵa resmı saparyn qorytyndylap, otandyq buqaralyq aqparat quraldary ókilderine suhbat bergen Qazaqstan Prezıdenti Nursultan Nazarbaev osylaı dedi.
«Olar Qazaqstannyń osy jyldardyń ishinde kóp ultty ári kóp konfessııaly memleket qalyptastyra alǵandyǵyn kórip otyr. Biz izgi qarym-qatynasty, bizdiń halqymyzdyń tózimdiligin saqtaı aldyq. Ekinshiden, Qazaqstannyń ekonomıkalyq damýy óziniń barlyq kórshi elderinen basyp ozdy. Birdeı bastaǵanymen olardyń kópshiliginiń bastapqy jaǵdaıy jaqsy edi. Olar bizde oryn alyp otyrǵan jaıttyń bárin kórip, oqyp otyr.
Máselen, Prezıdent te, Premer-Mınıstr de (Serbııanyń) meniń «Qazaqstandyq jol» kitabymdy oqyǵan jáne bizdi ózderine úlgi sanaıdy. Ózderi tyǵyz yntymaqtastyqta bola alatyn memleket dep esepteıdi. Qalǵanynyń barlyǵy ózderiniń sheshimi. Bizge áýede joıǵysh ushaqtar ilese ushyp otyrdy. Táýelsizdiktiń alǵashqy jyldarynda óte mártebeli qonaqtarǵa biz de osylaı jasaǵan edik. Olar meni shynaıy súıispenshilikpen qarsy aldy», - dedi N.Nazarbaev.
Sonymen qatar, Elbasy serb taraby ózine kórsetken qurmeti qatarynda zeńbirekten 10 dúrkin oq atylýyn, Belgrad ortalyǵynda Jambyl músininiń ashylýyn jáne Serbııa Pravoslav shirkeýiniń joǵary nagradasy - І dárejeli Qasıetti Savva Ordenimen marapattalýyn atady.
