N.Nazarbaev: Saılaý bizdiń baǵytymyzdy jalǵastyrýǵa degen jalpyhalyqtyq umtylys pen dálel bolyp otyr
Sóz arasynda Elbasy sez delegattary men qonaqtaryna alǵysyn aıtyp, baıtaq qazaq dalasynyń barlyq aımaqtaryn qamtıtyn 850 myń partııa múshesiniń atynan kelgenderge rızashylyǵyn bildirdi.
«Men barsha partııalas serikterimizge elimizdiń gúldenýi men ósip-órkendeýine tógilgen ólsheýsiz ter men ortaq patrıottyq eńbekterińiz úshin taǵy bir ret zor rızashylyǵymdy bildiremin», - dedi N.Nazarbaev.
Budan bólek, Prezıdent alda Qazaqstan úshin taǵy bir taǵdyrly tarıhı naýqan turǵanyn atap ótti.
«Biz bir orynda turmaı, alǵa jyljýymyz kerek. Toqtap qalýǵa bolmaıdy. Toqtap qalǵan sý buzylady, bir orynda tursaq, arttaǵylar ozyp ketedi. Qazaqstan halqy Assambleıasynyń kezekten tys prezıdenttik saılaý ótkizý týraly bastamasy halyq tarapynan qyzý qoldaý tapqanyn bilip otyrsyzdar. Sanaýly kúnde maǵan osy másele jóninde myńdaǵan hattar kelip tústi. Quzyrly organdar bul bastamany el zańnamasyna sáıkes dep tapty. Sonymen, 26 sáýirde kezekten tys Prezıdent saılaýyn ótkizý týraly Jarlyǵym osyǵan jaýap boldy. Buny Otanymyzda beıbitshilik pen kelisimdi nyǵaıtýǵa, bizdiń baǵytymyzdy jalǵastyrýǵa degen jalpyhalyqtyq umtylys pen dálel dep bilýimiz kerek», - deı kele Elbasy osy bastamany kótergen Qazaqstan halqy Assambleıasy men ony qoldaǵan barsha azamattarǵa rızashylyǵyn bildirdi.
