N.Nazarbaev: «Samuryq-Qazyna» aldaǵy 5 jylda ónimdiligin 30-40 paıyzǵa qamtamasyz etý tıis

ASTANA. QazAqparat - «Samuryq-Qazyna» aldaǵy 5 jylda ónimdiligin 30-40 paıyzǵa qamtamasyz etý tıis. Bul týraly búgin «Samuryq-Qazyna» UÁQ» AQ Transformatsııa forýmy barysynda Elbasy Nursultan Nazarbaev aıtty.

Bizdiń kompanııalar álemdik iri oıynshylarmen bir qatarda turýy úshin qorǵa eń birinshiden óziniń tıimdiligin jáne ónimdiligin aıtarlyqtaı kóterýi tıis. Bul rette ónimdilik qazir biz maqtanyp júrgendeı 2,3 paıyz emes aldaǵy 5 jylda keminde 30-40 paıyzǵa serpindi bolýy qajet. Men munyń túbegeıli qoljetimdi ekendigin bilemin. Munyń esh qıyndyǵy joq», - dedi N.Nazarbaev.

Elbasynyń atap ótýinshe, atalǵan maqsattarǵa qol jetkizý úshin óndiris, basqarý tehnologııalaryna jáne naryqtyq saraptamaǵa ıe strategııalyq seriktester, ınvestorlar tartý qajet.

«Munyń arqasynda qor kompanııalary syrtqy naryqtarǵa, birinshi kezekte Keden odaǵy elderi naryǵyna shyǵyp, básekeles bolýy kerek», - dedi QR Prezıdenti.