N. Nazarbaev resmı túrde saılaýaldy úgit sharalaryn júrgizbeıtinin málimdedi

Bul týraly Prezıdent keshe respýblıkalyq BAQ ókilderine bergen suhatynda aıtty.

Saılaýdyń ashyq ári ádil ótýi úshin qajetti barlyq jaǵdaı jasalatynyn atap aıtqan N. Nazarbaev: «Men resmı túrde saılaýaldy úgit sharalaryn júrgizbeımin. Meniń saılaýaldy baǵdarlamam - «Bolashaqtyń irgesin birge qalaımyz» atty Qazaqstan halqyna Joldaýym men «Nur Otan» partııasy sezinde sóılegen sózim. Men referendým ótkizý týraly bastama kóterilgen jeltoqsan-qańtar aılarynda óz qoldaryn qoıǵan bes myńnan astam qazaqstandyqtardyń qoldaýyn anyq sezinemin. Men ózimniń jańa merzimge prezıdenttikke úmitker retinde usynylýymdy qoldaǵan

Osy oraıda Prezıdent barsha qazaqstandyqtardy 3 sáýir kúni mindetti túrde saılaý ýchaskelerine kelip, óz tańdaýyn jasaýǵa shaqyrdy.

Memleket basshysy kezekten tys saılaý ótkizý ıdeıasy Ata Zańǵa adaldyq pen demokratııalyq ustanymdarǵa beriktiktiń kórinisi bolǵanyn atap ótti. "Sizder bul máseleniń mánisin jaqsy bilesizder. Bir jaǵynan men referendým ótkizý jónindegi qoǵamdyq bastamany qoldaǵan kópshilik saılaýshylardyń pikirin eskerýsiz qaldyra almadym. Kelesi jaǵynan men bolashaq býyn saıasatkerleri úshin jańylys baǵyt bolatyn qadamǵa bara almadym. Osy jaǵdaılardy eskere otyryp qana sheshim qabyldaý kerek boldy. Kúrdeli jaǵdaı óziniń altyn ortalyǵymen sheshimin tapty dep oılaımyn. Bul oraıda, meniń oıymsha, merziminen buryn saılaý ótkizý týraly sheshimniń tarıhı mańyzy joǵary boldy", - dedi Memleket basshysy.

Aıta keteıik, osy sátke deıin QR Ortalyq saılaý komıssııasy tórt úmitkerdi, atap aıtqanda «Nur Otan» Halyqtyq-demokratııalyq partııasy usynǵan Elbasy Nursultan Nazarbaevty, Qazaqstannyń kommýnıstik halyqtyq partııasynyń hatshysy Jambyl Ahmetbekovty, Qazaqstan Patrıottary partııasynyń tóraǵasy Ǵanı Qasymovty jáne «Tabıǵat» ekologııalyq odaǵynyń tóraǵasy Mels Eleýsizovty. Qazaqstan Respýblıkasynyń Prezıdenttigine kandıdat retinde tirkedi.