N.Nazarbaev: Parlament depýtattary bul sessııada 50-ge jýyq zań qabyldaıdy
ASTANA. QazAqparat - Parlament depýtattary bul sessııada 50-ge jýyq zań qabyldaıdy. Búgin QR Parlamenti palatalarynyń birlesken otyrysynda sóz sóılegen Elbasy Nursultan Nazarbaev osylaı dedi.
«Jańa sessııa aıasynda sizderge shamamen 50 zań jobasyn talqylap, qabyldaý mindeti tur. depýtattardyń ózderi usynyp, Úkimet qoldaǵan jańa 7 zańdy qabyldanady. Bul óte mańyzdy bastamalar, bul bastamalar depýtattyq korpýsymyzdyń joǵary kásibıligine dálel bola alady», - dedi N.Nazarbaev.
Memleket basshysy ótken sesssııa aıasynda qabyldanǵan 28 zań jobasy boıynsha qazirgi ýaqytta talqylaý protsesiniń bastalǵanyn eske salyp ótti.
«Úkimettiń 2016 jylǵa arnalǵan zań jobalaý jumysy josparyna sáıkes, Májilis qaraýyna 4 joba engizildi, al 7 joba jyl sońyna deıin engiziletin boldy. Birqatar zań jobasyn Úkimet jospardan tys tártippen usynady. Tolyqtaı alǵanda, depýtattyq korpýsqa bizdiń qoǵamymyzdyń ómirindegi mańyzdy baǵyttardy zańnamalyq sheshý boıynsha úlken jumys kútip tur», - dedi Elbasy.
