N.Nazarbaev óz ókinishin aıtty (VIDEO)
ASTANA. QazAqparat - Telejýrnalıst ıAroslav Krasıenko óziniń Instagram-akkaýntynda 3 shilde kúni «KTK» (21-00) jáne «Habar» (22-00) telearnalarynda kórsetiletin «Memleket basshysy» derekti fılminiń kezekti vıdeo ańdatpasyn jarııa etti.
Birinshi ańdatpada Nursultan Nazarbaev balalary jaıynda jáne ózin áke dep aıtatyn qazaqstandyqtarmen qarym-qatynasy jaıynda sóz qozǵaıdy.
«Jastar meni áke dep aıtady, solaı emes pe? Keıde «áke» dese, demek qartaıǵandaı sezinesiń be? Ekinshi jaǵynan alyp qaraǵanda, jaqsy kórgennen aıtatyn shyǵar dep oılaısyń. (...) Eń bastysy balalarym kishkentaı bolǵan kezinde olarmen aınalysa almadym, óz balalarymnyń sábı shaǵynan lázzat ala almadym. Olar ósti, qatar ósti jáne menen alshaq júrip ósti. Degenmen, olardyń barlyǵy da men qatty jaqsy kóredi, meniń qyzdarym, meniń balalarym. Qazirgi ýaqytta men mundaı jumysbasty bolmaǵanymda, olarmen birge bolyp, munan da kóp nárse berer edim dep oılaısyń», - dedi N.Nazarbaev.
Kelesi vıdeo suhbat epızodynda Memleket basshysy kúrdeli 90-shy jyldarda sheshimder qalaı qabyldanǵanyn eske alady.
«Qıraǵan el. Keńes odaǵy kúıregen. Barlyǵy turyp qalǵan. Ekonomıka jumys istemeıdi jáne saǵan adamdarǵa birdeńe aıtýǵa týra keledi. Al eń bastysy, halyqtyń ómirin jaqsartý úshin birdeńe jasaý qajet. Sol kezde qalyń oımen júresiń, oılanasyń: mynany jasaı alatyn shyǵarmyn, al myna jerde tosyn jaıt kómekteser, al mynda taǵdyr shesher, dep», - degen oı tolǵaıdy fılmde Memleket basshysy.
