N.Nazarbaev: Orta tap qazaqstandyq ulttyń negizi retinde qarastyrylýy tıis

ASTANA. QazAqparat - Orta býyn qazaqstandyq ulttyń negizi retinde qarastyrylýy tıis. Búgin Astanadaǵy Táýelsizdik saraıynda ótken «Nur Otan» partııasynyń kezekti XVI sezi barysynda Elbasy Nursultan Nazarbaev osylaı málimdedi.

«Elimizdegi orta tap qazaqstandyq ulttyń negizi, kásibı memlekettik apparatty qalyptastyrýdyń kózi retinde qarastyrylýy kerek. Bular naǵyz zańnyń saltanat qurýyna meılinshe múddeli, memlekettiń halyqqa esep berýin qalaıtyn, eldegi turaqtylyq úshin barymen kúresetin úlken kúsh», - dedi Elbasy.

Prezıdenttiń paıymynsha, orta tap - bul óziniń baspanasy, avtokóligi, bıznesi men jalaqysy qalypty, otbasyn asyrap otyrǵan, balalaryn oqytýǵa, qydyrýǵa jaǵdaıy tolyq keletin býyn.

«Dál osy tap turaqtylyqtyń meıilinshe jaqtaýshysy. Germanııada ulttyq baılyqtyń 90 paıyzyn osy orta tap ókilderi qurap otyr. Sondyqtan Germanııa turaqty memleket. Olar eshqandaı da «zıgzagtardy» qalamaıdy, tek turaqtylyqty qalaıdy», - dedi N.Nazarbaev.