N.Nazarbaev: «Ońaı jolmen» kelgen aqsha solaı ketedi, al kásibı sheberlik pen aqyldy eshkim de tartyp ala almaıdy
«Bizde qazir sońǵy ýaqytta tez baıyp ketýge asyǵatyndar kóp sekildi. «Ońaı jolmen» kelgen aqsha qalaı kelse, solaı ketedi. Onyń nege ekenin eshkim de túsindirip bere almaıdy... Iá, aqsha belgili bir deńgeıde seni táýelsiz etedi, biraq ol ýaqytsha ǵana. Al, kásibı sheberlik pen aqylyńdy senen eshkim de ala almaıdy. Sondyqtan, óz isińniń mamany bolý kerek. Sóıtkende, barlyǵyn ýysyńa túsire alasyń. Mamandyqty adamnan eshkim tartyp ala almaıdy», - dedi N.Nazarbaev.
Memleket basshysy eńbek qana adamdy bireýge muqtaj qylmaı, armanyna jetkizetinin aıtty. «Mańdaı termen tapqan aqsha adamdy eshkimge táýeldi etpeıdi. Sondyqtan, meniń barlyq jastarǵa aıtarym, eń bastysy - eńbek. Adam qandaı mamandyqty tańdaǵany mańyzdy emes, eń bastysy ol sol mamandyqty ábden ıgerip, kásbıliktiń «shyńyna» jetkizýi kerek. Óz isiniń mamany, sheberi bolýy qajet. Mine, sonda ǵana ony baǵalap, qurmetteıdi, ol óz armanyna jete alady», - dedi Elbasy jastarǵa qarata aıtqan sózinde. Sondaı-aq, N.Nazarbaev kásibı eńbek adamy bul kúnde ınjenerden de, qarjygerden de mol tabys taba alatynyn jetkizdi.