N.Nazarbaev: «Nur» degen sózdi meniń atyma jabystyratyn eshteńesi joq

ASTANA. QazAqparat - «Nur» degen sózdi meniń atyma jabystyratyn eshteńesi joq. Bul týraly búgin Astanadaǵy Táýelsizdik saraıynda ótken Indýstrııalandyrý kúni aıasyndaǵy jıyn barysynda Elbasy Nursultan Nazarbaev aıtty.

«Jaqynda men «Bir nárse bolsa aldyna, anaǵan da, mynaǵan da Nur degen sózdi qosyp qoıady. Osyny nege toqtatpaısyz? Munyń barlyǵy kúlki usynysqa apara jatyr», - degen bir hat aldym. Men aldyna nur qoı dep eshkimge aıtqan joqpyn. Nur degen sózdi meniń atyma jabystyratyn da eshteńesi joq. Nur degen - jaryq, nur degen - sáýle. Solaı emes pe? Al «Nurly jol» degenniń maǵynasy jolymyz sáýletti bolsyn, aldymyz ashyq bolsyn, jolymyz aq bolsyn, degen jaqsy ıgi tilekterden shyqqan sóz dep sanaımyn», - dedi QR Prezıdenti.