N.Nazarbaev: Naryqta jasandy baǵa qalyptastyrýdy doǵarý kerek
ASTANA. QazAqparat - Búgin «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna Joldaýyn arnaıy otyryp, Memleket basshysy Nursultan Nazarbaev Úkimetke baǵa retteý saıasaty týraly tapsyrma berdi.
«Baǵany jasandy retteý túrinde naryqtyq yntalardy burmalaýdy qoıý kerek. Biz únemi osylaı isteımiz. Úkimetke ekonomıkanyń barlyq sektorynda naryqtyq baǵa qalyptastyrýǵa ótýdi jalǵastyrý jumysyn tapsyramyn. Bul óte mańyzdy jaıt. Biz nelikten aýyl sharýashylyǵyna 1,5-2 mlrd dollar kóleminde sýbsıdııa beremiz? Sebebi, taýar óndirýshi úshin nannyń ber kelisi dúkende satylatyn bir keliden qymbatqa túsedi. Sondyqtan, biz aýyl sharýashylyǵyna osynsha sýbsıdııa tólep otyrmyz. Biraq, osy aqshany satyp alýshyǵa bersek, al taýar óndirýshi nandy óz baǵasymen óndirip, soǵan saı, baǵaǵa satqany durys shyǵar!? ıAǵnı, durys ekonomıka qalyptastyrý kerek»,-degen Elbasy naryqtaǵy baǵany jasandy ustaýdyń saldaryn baıandady.
«Keńes odaǵy kezinde kóp jyldar boıy Qazaqstannyń úkimetin basqarý júıesinde jumys istegen men kóktem saıyn Máskeýge baryp, Reseıdiń Qarjy mınıstrliginen aýyl sharýashylyqqa sol kezde 5-6 mlrd rýbl, qazirgi aqshamen 5-6 mlrd dollar kóleminde aqsha suraıtynmyn. Sebebin jasy úlkender jaqsy biledi - sol kezde dúkendegi bir bólke nannyń baǵasy qansha edi!? 25 tıyn bolatyn. Al, dıqanshy úshin onyń baǵasy 5 rýbl 85 tıynǵa teń edi. ıAǵnı, dúkendegi baǵasy nannyń ózindik qunynan 5 rýbl 50 tıynǵa arzanǵa satylatyn. Meniń aıtpaǵym ne, sýbsıdııaǵa berip jatqan orasan zor qarjyny jalaqyny ósirip, áleýmettik az qamtylǵan azamattarǵa bersek, baǵany jasandy rettemeı, óz baǵasymen satsaq, ózgeshe damýǵa qol jetkizer edik. Biraq, bul ońaı emes. Árıne, bireýlerge zııany tıip ketýi múmkin. Alaıda, biz rasymen muqtaj adamdardy qorǵaı alatyn edik. Al, ózgeler óz paıdasyna ómir súrýi kerek. Mine, barlyq sektorda baǵa qalyptastyrý degenimiz - osy. Buny júzege asyrmasaq, kóz aldyńa ydyraǵan Keńes odaǵynyń taǵdyry elesteıdi...», - dedi N.Nazarbaev.
