N.Nazarbaev monopolııaǵa qarsy organ mınıstrlerdiń «ótinishi» boıynsha joq bolǵanyn aıtty
ASTANA. QazAqparat - Qazaqstanǵa monopolııaǵa qarsy vedomstvo týraly jeke zań kerek. Bul týraly búgin «Qazaqstan jańa jahandyq naqty ahýalda: ósim, reformalar, damý» atty Qazaqstan halqyna Joldaýynda Memleket basshysy Nursultan Nazarbaev aıtty.
«Úkimet erkin jáne shynaıy básekelestikke jaǵdaı jasaýy kerek. Birinshiden, Úkimetke monopolııaǵa qarsy qyzmetti kúsheıtýge baǵyttalǵan naqty usynystar ázirleýdi tapsyramyn. Bizge monopolııaǵa qarsy vedomstvo týraly jeke zań kerek»,-dedi Memleket basshysy. N.Nazarbaev atap ótkendeı, bul jeke zań óte naqty ári júıeli jasalǵan bolýy shart. Bul qadamǵa barýdyń sebebin aıtty. Elbasy qazirgi monopolııaǵa qarsy organ mınıstrlerdiń «ótinishi» boıynsha jumysyn toqtatqanyn jetkizdi. «Zań óte naqty, júıeli bolýy kerek. Mınıstrlerimizdiń «ótinishi» boıynsha biz osy organdy joq qyldyq»,-dedi QR Prezıdenti.
