N.Nazarbaev: Meniń atyma túsken úndeýlerde keltirilgen barlyq dálel, dáıektemeler maǵan túsinikti, ol - eldiń qamy
ASTANA. QazAqparat - Meniń atyma túsken úndeýlerde keltirilgen barlyq dálel, dáıektemeler maǵan túsinikti. Ol - eldiń qamy. Búgin otandyq telearnalar arqyly depýtattardyń Májilis pen máslıhat saılaýyn merziminen buryn ótkizý bastamasyna oraı Qazaqstan halqyna úndeý arnaǵan Elbasy Nursultan Nazarbaev osylaı dedi.
«Qurmetti qazaqstandyqtar! Men Parlament Májilisi depýtattarynyń ókilettigin merziminen buryn toqtatý jáne jańa saılaý taǵaıyndaý týraly usynysyn jan-jaqty taldap, qaradym. Bul kúnderi meniń atyma bastamaǵa qoldaý kórsetken kóptegen hattar men jedelhattar túsip jatyr. Bastamany saıası partııalar, kásipodaq, úkimettik emes uıymdar, kásiporyndardyń, mekemeler men oqý oryndarynyń eńbek ujymdary quptady. Oǵan ardagerler men jastardyń uıymdary, bıznes pen shyǵarmashylyq, zııaly qaýym ókilderi, sondaı-aq kóptegen jeke azamattar qoldaý kórsetip otyr. Ony ózderińiz aqparat quraldarynan kórip, estip otyrsyzdar. Meniń atyma túsken úndeýlerde keltirilgen barlyq dálel, dáıektemeler maǵan túsinikti. Ol - eldiń qamy», - dedi Elbasy N.Nazarbaev.
