N.Nazarbaev memlekettik til emtıhanynan súrinbeı ótti (FOTO)

ASTANA. QazAqparat - Qazaqstan Prezıdenti Nursultan Nazarbaev memlekettik til boıynsha mindetti emtıhannan ótý úshin Ortalyq saılaý komıssııasyna keldi, dep habarlaıdy QazAqparat tilshisi.

"Osy ýaqytqa deıingi prezıdenttikke úmitkerler sekildi Nursultan Nazarbaev úsh suraqqa jaýap berdi. Birinshisi - "Bizdiń kúshimiz - birlikte", ekinshisi - bıyl 100 jyldyǵy toılanyp jatqan Іlııas Esenberlınniń shyǵarmashylyǵy týraly, onyń ústine Qazaq handyǵynyń 550 jyldyǵy da bar. Úshinshi suraq - erkin sóıleý "Babalar sózi - danalyq kózi", - dep túsindirdi QR OSK lıngvıstıkalyq komıssııasynyń tóraǵasy Myrzataı Joldasbekov. Onyń aıtýynsha, Memleket basshysy bul synnan súrinbeı ótti. "Artyq-kem aıtyp neǵylaıyn, Nursultan Ábishulynyń qazaq halqynyń aldynda búginge deıin ótpegen syny joq. Osy synnan da ol kisi oıdaǵydaı ótti. Biz til mamandary retinde erekshe baǵalap otyrmyz. Nursultan Ábishuly Nazarbaev memlekettik tildi erkin meńgergen degen qorytyndy jasap otyrmyz", - dep túıdi M.Joldasbekov.