N.Nazarbaev memlekettik satyp alýlarda oryn alatyn kemshilikterdi synǵa aldy

"Búgingi kúni memlekettik organdar konkýrs ótkizbeı qolastyndaǵy vedomstvolyq kásiporyndardan birneshe ese kóterilgen baǵamen taýarlar men qyzmetterdi satyp alady. Eger de, memlekettik mekemelerdiń taýarlary men qyzmetteriniń baǵasyn tek ǵana 20 paıyzǵa tómendetýge qol jetkizilse, onda shamamen 500 mlrd. teńgeni únemdeýge bolatyn edi»,-dedi Memleket basshysy.

Elbasynyń atap ótýinshe, memlekettik satyp alýlarda oryn alǵan kemshilikter birneshe márte kóterilgenimen, Úkimet ony eshqandaı tártipke keltire alar emes. «Sondyqtan da, taýarlar men qyzmetterdiń baǵalary qamtylǵan tolyqqandy aqparattyq júıeni qalyptastyrý arqyly memlekettik satyp alýlardyń biryńǵaı operatoryn qurý máselesi mańyzdy bolyp tabylady»,-dedi N. Nazarbaev.

Bul rette Elbasy QR Premer-Mınıstriniń orynbasary Qaırat Kelimbetovke, Qarjy mınıstri Bolat Jámishevke jáne Ekonomıkalyq damý jáne saýda mınıstri Baqytjan Saǵyntaevqa osy máselemen aınalysýdy tapsyrdy.