N.Nazarbaev memlekettik organdar men ulttyq kompanııalar qyzmetkerlerin Jańa jylmen quttyqtady
ASTANA. QazAqparat - Búgin Úkimet Úıinde Jańa jyldy merekeleýge arnalǵan saltanatty jıyn ótti, onyń barysynda QR Premer-Mınıstri Kárim Másimov Memleket basshysy Nursultan Nazarbaevtyń quttyqtaýyn oqyp berdi.
Іs-sharaǵa Úkimet músheleri, ortalyq memlekettik organdar jáne ulttyq kompanııalar basshylary, QR Premer-Mınıstri Keńsesiniń qyzmetkerleri qatysty, dep habarlady Úkimet basshysynyń resmı saıty.
Óziniń quttyqtaýynda Memleket basshysy ótken jyly Qazaqstan ilgerilemeli damý jolymen senimdi jyljyǵanyn aıtyp ótti. Prezıdenttik saılaý ótip, onda qazaqstandyq qoǵamnyń aýyzbirligi jáne eldi keshendi jańǵyrtýdaǵy tańdalǵan baǵyttyń durystyǵy qýattaldy. Aıtýly oqıǵalar Uly Jeńistiń 70 jyldyq mereıtoıy, Konstıtýtsııanyń 20 jyldyǵy, Qazaq handyǵynyń 550 jyldyǵy jáne Qazaqstan halqy Assambleıasynyń 20 jyldyǵy boldy. «Indýstrııalyq-ınnovatsııalyq jáne ınfraqurylymdyq damýdaǵy mańyzdy nátıjelerge qol jetkizildi. Memleket óziniń áleýmettik mindettemelerinen jaltarǵan joq, qazaqstandyqtar erteńgi kúnine senimdi. EAEO aıasynda ekonomıkalyq ıntegratsııa odan ári nyǵaıtýǵa ıe boldy, sondaı-aq elimiz Dúnıejúzilik saýda uıymyna kirdi», - delingen QR Prezıdentiniń quttyqtaýynda. Elbasy syrtqy naryqtardaǵy jaǵymsyz oqıǵalarǵa qaramastan Qazaqstan ekonomıkalyq jáne áleýmettik turaqtylyqty saqtaı alǵanyn basa aıtty. Aǵymdaǵy sharalar jedel ári sapaly júzege asyryldy, Bes ınstıtýtsıonaldyq reformany júzege asyrýǵa qajetti baza ázirlendi. Osyǵan baılanysty Memleket basshysy Úkimet múshelerine, Premer-Mınıstr keńsesiniń jáne atqarýshy bıliktiń ortalyq organdarynyń barlyq qyzmetkerlerine eren eńbegi men memleketimizdiń órkendeýine qosqan úlesi úshin alǵys bildirdi. «Kele jatqan Jańa jyldaryńyzben shyn júrekten quttyqtaımyn! Zor densaýlyq, elimizdi damytýda kásibı tabystar jáne otbasylaryńyzǵa baq-bereke tileımin!», - dep túıindedi Prezıdent óz quttyqtaýynda.
