N. Nazarbaev: Memleket tarapynan qalypty retteý elemetterinen turatyn naryqtyq ekonomıka - ol eldiń bolashaǵy
ASTANA. 25 sáýir. QazAqparat - Naryqtyq ekonomıkada memlekettik retteý eskerilýi tıis. Bul týraly búgin Elbasy Nursultan Nazarbaev «Rossııa 24» telearnasyna bergen suhbatynda málim etti.
«Jańa ekonomıkada memlekettiń róli qandaı bolý kerek dep oılaısyz?», dep qoıylǵan tilshiniń saýalyna Memleket basshysy: «bolyp jatqan ahýaldy saraptaı kele, men bolashaq ekonomıkany árıne, naryqtyq ekonomıka turǵysynda kórip otyrmyn. Alaıda, naryqtyq ekonomıkany retteýde memlekettiń belgili bir qalypty qatysýy bolýy tıis», - dep eskertip ótti.
Prezıdent bul turǵyda álemdegi naryqtardaǵy birneshe mysaldardy aıta kele, eshteńemen shektelmegen erkin naryq qarjylyq júıeniń jappaı kúıreýine ákelip tiregenin atap ótti. «Eshteńe de sereńdep bostan bos bolmaýy tıis. Memlekettik retteý eskerilýi kerek», - dedi N. Nazarbaev.
«Sondyqtan da memleket tarapynan qalypty retteý elemetterinen turatyn naryqtyq ekonomıka - ol eldiń bolashaǵy», - dep túıindedi Memleket basshysy.
