N.Nazarbaev Lıýksembýrg Premer-Mınıstrimen kezdesti
ASTANA. QazAqparat - Memleket basshysy Nursultan Nazarbaev BUU Bas Assambleıasynyń 70-sessııasy aıasynda Lıýksembýrg Premer-Mınıstri Ksave Bettelmen kezdesti, dep habarlady Aqordanyń baspasóz qyzmeti.
Kezdesý barysynda ekijaqty qarym-qatynastardy damytý jáne Qazaqstannyń Eýropalyq odaqpen yntymaqastyǵyn nyǵaıtý máseleleri qozǵaldy.
Qazaqstan Prezıdenti elimiz ben Lıýksemýrg arasyndaǵy yntymaqtastyqty damytýdy jalǵastyrýǵa ázir ekenin aıtty.
Nursultan Nazarbaev sondaı-aq K.Betteldi Eýropalyq odaqtaǵy tóraǵalyǵymen quttyqtaı otyryp, Qazaqstannyń Eýropalyq odaqpen arada qol qoıǵan jańa kelisimi taıaý ýaqyttary ratıfıkatsııalanady dep úmittenetinin jetkizdi.
Lıýksembýrg Premer-Mınıstri óziniń Astanaǵa sapary kezinde jasalǵan qabyldaý úshin alǵys bildirdi jáne damýdyń mańyzdy máselelerin talqylaý úshin salıqaly qonaqtardy jınaǵan Astana ekonomıkalyq forýmynyń tabysty ótkenin atap aıtty.
