N.Nazarbaev QR Prezıdenti qyzmetine resmı kiriskennen keıin qazirgi Úkimettiń sońǵy otyrysy ótedi
ANA. 7 sáýir. QazAqparat /Qalamqas Ábýova/ - Erteń, 8 sáýir kúni Úkimet úıinde QR Úkimetiniń sońǵy otyrysy ótedi.
Otyrys 3 sáýir kúni ótken QR Prezıdentiniń kezekten tys saılaýynda el halqynyń 95,55 paıyz daýysyn alyp, qaıta saılanǵan Prezıdent Nursultan Nazarbaevty ulyqtaý rásiminiń saltanatynan keıin bastalady. Aıta keteıik, N. Nazarbaevty ulyqtaý rásimi erteń, 8 sáýir kúni Astanadaǵy Táýelsizdik saraıynda bolady.
Qazaqstan Respýblıkasy Zańyna sáıkes, Úkimet jańadan saılanǵan QR Prezıdentiniń aldynda óz ókilettigin doǵarady. Úkimettiń jańa quramyn Konstıtýtsııada belgilengen tártippen Prezıdent qurady. 2007 jyldyń 10 qańtarynan beri QR Premer-Mınıstri qyzmetin Kárim Másimov atqaryp keledi.
