N.Nazarbaev QR azamattarynyń áleýmettik-ekonomıkalyq qaýipsizdigin qamtamasyz ete alady - R.Radjabov
BAKÝ. QazAqparat - Qazaqstan Respýblıkasynda kezekten tys prezıdenttik saılaýdy ótkizý halyqaralyq quqyqqa da, respýblıkadaǵy zańnamaǵa da tolyq sáıkes keledi. Osyndaı pikirin «QazAqparat» HAA-ǵa Ázerbaıjannyń jetekshi sarapshylarynyń biri, «3-d View» taldaý agenttiginiń basshysy Raýf Radjabov bildirdi.
R.Radjabovtyń aıtýynsha, álemdik tájirıbe prezıdenttik merzimniń uzaqtyǵy eldegi basqarý formasyna ǵana emes, saıası rejımge, demokratııalyq ınstıtýttardyń jetilýine, sondaı-aq qoǵamnyń saıası jáne quqyqtyq mádenıetine de baılanysty bolyp keledi.
Atap ótkende, el Prezıdenti jáne parlamentiniń ókilettiginiń merzimderi uqsas bolýy tıis emes, bul qandaı da bir sebeptermen halyqtyń Prezıdent jáne parlamentsiz qalý jaǵdaıynda eldiń bıliksiz qalýyn boldyrmaý, kerisinshe, olar bir-birin ózara tolyqtyryp, memlekettilikti nyǵaıtýy úshin jasalady.
Qazaqstan Respýblıkasynyń Konstıtýtsııasy respýblıkada prezıdenttik jáne parlamenttik saılaýdy bir ýaqytta ótkizýge tyıym salady. Sebebi Memleket Basshysynyń da, Qazaqstan Respýblıkasy Májilis depýtattarynyń da ókilettiginiń merzimderi 2016 jyly aıaqtalady.
Budan bólek, Qazaqstan Respýblıkasynda azamattyq qoǵamdy qalyptastyrý úshin, álemdik tájirıbede kórsetilgendeı, Prezıdent úlgisindegi óte myqty memlekettik bılik kerek.
«Qazaqstan Respýblıkasynyń qazirgi Prezıdenti Nursultan Nazarbaevtyń atalǵan mańyzdy ári joǵary mindetti júzege asyrýǵa qaýqarly ekenine kúmándanbaýǵa bolady. Ol el azamattary ómiriniń áleýmettik-ekonomıkalyq qaýipsizdigin qamtamasyz ete alady. Buǵan qosa, N.Nazarbaev «Nurly jol» daǵdarysqa qarsy baǵdarlamasynyń avtory bolyp tabylady», - dep túıindedi sózin R.Radjabov.
